芝加哥串燒 (美豐花園) (已結業)

今日同朋友去行街，行到攰又餓餓地，就諗住搵個地方坐低傾下計食下野。行過見到環境幾好，之前係大埔食過呢間，都唔錯，我都就決定入去幫襯下。坐低之後我地order左燒牛舌、燒豬頸肉、燒鵝肝、燒雞肝、燒菠蘿、燒雞翼、燒白鱔、燒茄子、同埋蒲燒鰻魚😋再叫左兩杯啤酒，一杯係青檸味既draught beer同一杯黑加倫子味既draught beer。先介紹下兩杯果汁味既draught beer，酒味俾果汁中和左，易入口，啱晒一啲唔係咁鍾意飲咁重啤酒味嘅人。野食賣相👍🏿👍🏿👍🏿👍🏿未食見到已經流晒口水，熱辣辣即叫即燒，出到來仲出緊煙。味道方面，因為朋友唔食辣，所以係無落到辣既調味料，反而食到本身食材既鮮味。推薦燒白鱔👍🏿👍🏿👍🏿好好味😋好爽好鮮甜。仲有佢既燒茄子🍆燒得岩岩好，燒完入面都仲係咁多汁，一d都唔乾身👍🏿👍🏿👍🏿