影片
更多
2025-02-22
0 瀏覽
杏花邨其實有好多食肆，最近仲新開一間天婦羅專門店，而且係走平民路線，裝修又新派，大量Bar枱，日式簡約風用QR code落單好方便，有唔同嘅套餐，我哋兩個人都肚餓，決定叫個二人餐再另加幾樣額外想食嘅嘢套餐仲包括小食，湯，飯及飲品前菜揀咗醬油牛蒡漬同Wasabi八爪魚粒，兩樣嘢都幾濃味，Wasabi就少少攻鼻食得過癮二人套餐都幾豐富，總共有九樣天婦羅：日本茄子連皮切幼絲吸到多啲粉漿，食落特別鬆脆梅子大葉雞肉，大葉即紫蘇葉，同梅子嘅味好夾，提升咗雞肉嘅鮮甜味明太子蓮藕，明太子嘅份量唔多，所以唔係好認真食到個味道，但蓮藕就非常爽脆清甜蘆筍，唔會炸到過熟，仍然食到蘆筍本身嘅清甜味大虎蝦，食天婦羅點可以唔食大蝦，炸到剛熟，又爽口蝦味都濃蝦釀沖繩苦瓜，沖繩苦瓜一向都唔太苦，同蝦膠都幾夾，加少少七味粉食有提鮮作用白鱔，生熟度做得啱啱好，咬落去仲食到肉汁流心玉子，應該係比較難炸嘅類別，師傅都冇炸穿窿，一吉開啲蛋漿湧哂出嚟，撈飯特別好食紫菜天婦羅拖羅海膽，係最期待嘅一件，將我最鍾意食嘅嘢組合埋一齊，海膽鮮拖羅油分重，紫菜炸得脆，整個組合都好好食套餐以外，追加咗呢幾件：日本南瓜，天婦羅嘅南瓜好難做得唔好食
杏花邨其實有好多食肆，最近仲新開一間天婦羅專門店，而且係走平民路線，裝修又新派，大量Bar枱，日式簡約風
用QR code落單好方便，有唔同嘅套餐，我哋兩個人都肚餓，決定叫個二人餐再另加幾樣額外想食嘅嘢
套餐仲包括小食，湯，飯及飲品
前菜揀咗醬油牛蒡漬同Wasabi八爪魚粒，兩樣嘢都幾濃味，Wasabi就少少攻鼻食得過癮
二人套餐都幾豐富，總共有九樣天婦羅：
日本茄子連皮切幼絲吸到多啲粉漿，食落特別鬆脆
梅子大葉雞肉，大葉即紫蘇葉，同梅子嘅味好夾，提升咗雞肉嘅鮮甜味
明太子蓮藕，明太子嘅份量唔多，所以唔係好認真食到個味道，但蓮藕就非常爽脆清甜
蘆筍，唔會炸到過熟，仍然食到蘆筍本身嘅清甜味
大虎蝦，食天婦羅點可以唔食大蝦，炸到剛熟，又爽口蝦味都濃
蝦釀沖繩苦瓜，沖繩苦瓜一向都唔太苦，同蝦膠都幾夾，加少少七味粉食有提鮮作用
白鱔，生熟度做得啱啱好，咬落去仲食到肉汁
流心玉子，應該係比較難炸嘅類別，師傅都冇炸穿窿，一吉開啲蛋漿湧哂出嚟，撈飯特別好食
紫菜天婦羅拖羅海膽，係最期待嘅一件，將我最鍾意食嘅嘢組合埋一齊，海膽鮮拖羅油分重，紫菜炸得脆，整個組合都好好食
套餐以外，追加咗呢幾件：
日本南瓜，天婦羅嘅南瓜好難做得唔好食
秋葵，唔太特別但都好食
沙錐魚，亦係天婦羅常客，粉漿唔厚，魚味清淡，口感唔錯
銀雪魚，油份極重，剛剛熟最好食
北海道帶子，鮮甜爽口，大推
明太子，因為之前嘅明太子蓮藕份量少，所以索性order一件，熟嘅明太子反而個味道再濃縮咗，而呢件明太子唔會太鹹配飯食就啱啱好
以前覺得食天婦羅都係高級嘢，呢間走新派平民路線，又可以逐件叫又有套餐，彈性非常高，應該會再次幫襯
張貼
