Séan Café & Lounge (已結業)

4個女仔本身約12點到，但因有事其中兩個最後1點左右先出現，然後中間食野又吹吓水，見出面落雨就唔走住，點知一坐就坐到3點，見傾到餓又嗌咗個pancake，期間店員哥哥超好比咗4杯水我地，仲係咁加水，勁好服務，搞到我都忍唔住要寫返篇好評。野食方面，我地嗌咗4個餐加4杯野飲，再加1份甜品。2個餐都係all day breakfast，賣相非常好，係睇見都想食個種。1個海鮮燴飯，個人覺得係咸咗少少，但非常足料，食完好滿足。1個帶子意粉，賣相都唔錯，不過因為係朋友食所以唔知味道點。4杯野飲之中，玫瑰鮮奶最岩打卡，好香玫瑰味，不過份量可以多返少少好，以個價錢黎講好似可以大杯少少。另外3杯係玫瑰latte咖啡、moca、oreo沙冰，都ok嘅。最後個桂花奶蓋pancake，真係勁好食，淡淡嘅桂花香，唔會好濃味又唔會好甜，連我唔喜食甜品嘅人都覺得好食，同埋打卡真係一流。