京滬佳餚 (The LOHAS康城) (已結業)

如題，星期六7pm，因為從外國返來想食中餐，就落去幫襯堂食（以前只買外賣）。因已接近滿座，被侍應安排到戶外。我們話要茶和滾水，結果只上了茶和小食。我們舉手落單，有兩男兩女侍應見到但都冇返來（我已經用了外國標準耐性等），然後丈夫直程出去叫侍應出來落單，侍應答應了，但仍然遲遲不來。我們在外面吹風，一肚氣，決定離開，跟其中一名男侍應講，完全愛理不理，唔會覺得少少唔好意思。後來見到經理，投訴了，講了句唔好意思，但亦唔見得好理你。做街坊生意做到咁，好失望。而家上咗去陶源食，侍應多次主動問開咗位，或要唔要飯，上哂未，完全兩個世界。