食客 - 韓食一番地 (已結業)

係屋企附近，見到間咁正宗既韓國食肆，當然要去試啦。食左幾次，感覺唔錯，幾正宗，但去得就要忍受佢坐得唔係好舒服.. 因為佢舖位細，前身係一間補習社仔來的，所以唔好要求太高。試過幾樣食物，分享一下傳統紫菜卷: $30 八件，料幾多，包括黃瓜、蘿蔔、蟹柳絲等。感覺上好食過日本 D 壽司店，D 飯夠黏，同埋 D 鼓油好多芝蔴香味。石頭飯: 如果唔食得辣既話，記住在落單前叫佢走辣，不然佢會在上菜時，當住你面落辣醬黎撈勻 D 飯。食頭飯都係多料，同埋佢好夠味，天寒地凍時食佢，別有一番風味。炸醬麵: 佢沒有因為就香港人口味而調較 D 汁同埋料。D 汁幾杰身，同埋佢係偏甜，同北方人的炸醬麵有點似。麵條係粗身的，而佢又唔算好彈牙。相比之下，石頭飯同紫菜卷比佢吸引好多。雖然佢價錢唔算平 (在沙田第一城商場來說)，但呢間小舖長期都咁多人... 皆因沙田區缺乏正宗的韓式食肆矣。老闆選址於此，確是聰明也。