El Cerdo (駱克道) (已搬遷) 新店位置

今日放lunch行遠少少試下El Cerdo。高櫈都坐得好舒服，set lunch可以揀2款食物，好鍾意佢呢個安排咁我哋就可以試多啲款式，同同事一齊share食我地就試到6款。餐湯係薯仔湯，好好味😋，同事嘅沙律都好大碟。炸黑毛豬火腿球熱辣辣好好食。青口好鮮甜，推介👍🏻👍🏻魷魚軟身唔會難咬😋鵪鶉腿味道不錯但比較硬身同冇咩肉，唔岩食肉獸😛豬腩肉都好脆，配埋個醬好味道仲有西斑牙蟹肉奄列都好好食，不過唔記得影相🤭。其實樣樣都好食，不過份量唔係好多，男士叫一個set lunch應該唔夠飽，我其中一個女同事下午茶時段都已經見肚餓🤣。但之後有機會都會再帶同事去食lunch😋。