影片
更多
2021-08-08
1932 瀏覽
Lex Coffee西環堅尼地城卑路乍街100號地舖招牌波士頓龍蝦意大利麵 (set) $198嚟之前喺網上見到賣相好吸引嘅龍蝦risotto 本來已經諗住叫 點知lunch set有呢款差唔多嘅選擇 一樣價錢但係包埋前菜同飲品 即刻轉左軚前菜可以揀是日餐湯配十穀麵包又或者沙律 我就揀左前者 一小塊嘅麵包 脆身 微熱 上面落咗橄欖油 餐湯係洋蔥大蒜湯 感覺蒜味唔重 特別在於”湯”嘅口感同味道似係流質嘅薯蓉 我覺得好好飲麵係我中意食嘅扁意粉 配茄汁肉醬類嘅sauce 一兩粒車厘茄伴碟 主材料龍蝦足料 半隻開邊龍蝦 跟龍蝦頭同去咗殼嘅蟹鉗 應該事先整鬆咗龍蝦身 好易落刀去殼 龍蝦肉嫩 亦食得出炙燒過嘅味道 咁啱近期食過幾次龍蝦 比較之下即刻feel到佢嘅質素餐飲方面 我就+$15 upgrade咗做latte 如果你想揀mocha或者signature嘅art coffee呢啲lunch set menu無嘅option 就需要另叫呢個價食到有龍蝦做材料嘅set 仲要係有水準 性價比算係唔錯慢煮紐西蘭草飼羊4支骨羊架配紫薯蓉佐日式燒汁 $238呢份main course唔喺lunch se
西環堅尼地城卑路乍街100號地舖
招牌波士頓龍蝦意大利麵 (set) $198
嚟之前喺網上見到賣相好吸引嘅龍蝦risotto 本來已經諗住叫 點知lunch set有呢款差唔多嘅選擇 一樣價錢但係包埋前菜同飲品 即刻轉左軚
前菜可以揀是日餐湯配十穀麵包又或者沙律 我就揀左前者 一小塊嘅麵包 脆身 微熱 上面落咗橄欖油 餐湯係洋蔥大蒜湯 感覺蒜味唔重 特別在於”湯”嘅口感同味道似係流質嘅薯蓉 我覺得好好飲
麵係我中意食嘅扁意粉 配茄汁肉醬類嘅sauce 一兩粒車厘茄伴碟
主材料龍蝦足料 半隻開邊龍蝦 跟龍蝦頭同去咗殼嘅蟹鉗 應該事先整鬆咗龍蝦身 好易落刀去殼 龍蝦肉嫩 亦食得出炙燒過嘅味道 咁啱近期食過幾次龍蝦 比較之下即刻feel到佢嘅質素
餐飲方面 我就+$15 upgrade咗做latte 如果你想揀mocha或者signature嘅art coffee呢啲lunch set menu無嘅option 就需要另叫
呢個價食到有龍蝦做材料嘅set 仲要係有水準 性價比算係唔錯
慢煮紐西蘭草飼羊4支骨羊架配紫薯蓉佐日式燒汁 $238
呢份main course唔喺lunch set嘅選擇 純粹喺當時想食羊架就叫咗
羊架有4支 肉質幾肥美 火喉控制得幾好 口感唔錯 有少少羊騷味但係唔算重 我欣賞佢嘅係覺得羊肉本身嘅味道已經幾出同好食 唔需要靠過多嘅調味 另外配羊架嘅醬汁都幾特別 食唔出具體係咩 但就同羊架幾match
主要伴碟嘅有份量唔少嘅紫薯蓉 呢種配法應該都唔常見 我個人對紫薯無特別喜好 反而伴碟嘅幾粒車厘茄就幾啱我 又甜又夠溫度 好開胃 至於另外幾條賣相同味道似係豆角嘅就幾爽口
我試左呢間coffee shop嘅兩個主菜 同樣覺得有相當質素 慕名而嚟飲咖啡嘅朋友 可以考慮係埋呢度嘆返滿足嘅一餐
張貼
