Chin Chin Thai Cuisine (康怡廣場) (已結業)

Lunch約咗朋友過嚟太古城食泰國野，間餐廳都大間，坐得都舒服，但都好爆，可能遲少少就搵唔到位。叫左幾個lunch set share食，味道都唔錯，仲可以加廿幾蚊換多個小食，小食都算抵食。馬拉盞豬頸肉炒米粉 $76輕微嘅辣味，唔食得辣都可以接受。豬頸肉同米粉都好入味夠晒鑊氣，味道十足！青咖喱豬頸肉配絲苗白飯 $78椰香味好岀，偏甜，送飯一流👍🏽豬頸肉份量都足夠，食起嚟有咬口但唔會太韌。泰式春卷扎肉撈檬 $66春卷同扎肉不過不失，檬粉煮得夠爽口。配埋佢嘅魚露，夏天食好開胃。泰式炸蝦餅 $82做得好岀色！剛剛炸好，外脆內軟！酸辣無骨鳳爪 +$28偏辣，少汁，味道不算太濃但+$28可以接受馬拉盞炒通菜 +$28送飯一流，如果無飯送就會偏鹹少少，未必人人接受到。