客家好棧 (已結業)

終於同屋企人夾到平日一齊去飲茶🥰疫情之下真係好耐好耐冇飲茶，今次係疫情開始之後第二次嚟，其實幾年前都嚟過一次，感覺都坐得好舒服👍🏻今次再嚟印象更好!首先要講吓佢轉咗新嘅落單方法，掃QR code落單，感覺幾好，環保過用點心紙，又check到自己落咗啲咩，不過老人家用可能就冇咁方便第二樣要讚嘅係每張枱隔離都有部車仔，有個自動加水煲水嘅熱水壺，隔離仲有個位係倒污糟水，加水倒水，沖茶全部自己搞掂 👍🏻👍🏻嘢食方面，大致上都唔錯👍🏻點心孖寶好抵食👍🏻推介菠蘿叉燒包同咸水角拼煎堆，上菜時熱辣辣好香口😋因為太肚餓唔記得影食物相😂埋單好抵，滿$180仲有8折～