Ulyssa by Aldou (已結業)

今次帶媽媽試呢間西餐廳，之前已經同一班朋友食過，整體感覺唔錯，所以都想食多次。一出lift，已經見到餐廳門面，不過仲係未識讀餐廳名🙈門口位，擺咗幾款生果同書，唔知係唔係方便啲人等位時冇咁悶可以睇下書。喜歡去工廈餐廳原因之一，就係唔會太逼夾，同埋冇時間限制。打開餐牌，見到set Menu，不過媽媽話唔想食set，所以我哋就叫a la carte 蒜香寶雲酥焗蠔真係好多蒜，而個蠔都幾肥美，同埋唔會有渣，有時唔靚嘅蠔，食到最尾係咬唔爛西班牙海鮮意大利飯出邊好多時都係紅色，今似幾特別係金黃色，但味道唔算好大分別，而且有豐富嘅海鮮如青口、魷魚、蝦等。低溫慢煮燒美國牛腹肉配燒汁佢唔係嗰種一咬就即刻溶化嘅牛肉，不過好有牛味，可能慢煮關係，肉質鮮美出咗嚟。食完晚飯後，媽媽都冇諗過工廈都有唔錯嘅西餐廳，佢話今次真係眼界大開。其實而家好多時我都會選擇工廈餐廳，因為食物好多都好有質素，同埋最緊要坐得舒服。