景逸軒 (已結業)

🤔🤔啲碗碟唔係幾乾淨，換左兩次叫左個二人午餐，啲餸都ok嘅，最吸引係一人有一個功夫茶，可以keep住熱辣辣咁飲個湯🔥一般正常飲茶價錢🍵整體嚟講都ok，可以慢慢坐慢慢傾計，環境寬闊，而且唔算太嘈，係尼間酒樓最好嘅地方💬👍我地揀左以下幾樣嘢食，以下會分邊講下每樣野食～1）功夫湯♨️勝在可以熱辣辣咁飲，但個人覺得個湯偏咸🙈2）椒鹽魷魚鬚冇啱啱炸起果種熱辣辣嘅感覺，但都熱嘅；個炸皮ok，唔厚、唔會gel住個口😂唔會太咸，椒鹽有分開上，覺得喎夠咸可以自己調節～🧂🧂🧂3）蒜香魚柳春卷炸得好脆!!!係比較特別嘅一道餸，平時酒樓好少見。不過好奇怪，佢二人餐但係比3條，兩個人就要爭嚟食啦😂4）紅油抄手🌶少少辣，唔係太食到辣嘅人都接受到～都幾好味，感覺唔會太油淋5）椒絲腐乳唐生菜個菜好green，入口仲有少少爽脆，個味又唔會好咸，都ok，正正常6）蒜香壹品燒雞半隻🍗🐔皮夠脆，雞肉好滑，但隻雞唔多肉，唔係啖啖肉嘅雞，普普通通正常常常我地3個女人食個二人餐，啱啱好都食得幾飽🤣所以3個人share，除返開每個人大概120蚊🤑咁嘅價錢又坐左2個幾鐘，都滿意～！