泰國廚房

營業中

休息中

泰式廚房有室外室內， 地方大，坐位寬敞，坐得好舒服！8:00pm去到，室外坐滿人，好熱鬧！一大班朋友坐在室外，好好氣氛！我們兩個人坐室內，就靜靜地。我們點左招牌咖喱軟殼蟹分量大概二至三隻軟殼蟹。炸過的軟殼蟹一D都唔油，加左蛋的黃咖哩完全唔辣，甜甜地，好好味，送飯正。另外叫泰式炸豬手，Memun係成隻豬手，上枱係切件。豬手下面放左芥蘭，酸菜，中和味道。豬手炸得乾身，唔油膩，熱食脆卜卜。點醬汁食又得，無咁熱氣。醬汁似係魚露加七叶粉，還有蔥粒！酸酸地，少少辣！如果兩個人食，分量多左D，慢慢食，凍左肉質變硬。建議多人食先叫。