鳥棲日本料理 (已結業)

收工跟同事食晚餐，佢提議去食物選擇多的鳥棲，無論日或料理、串燒、鍋物、拉麵同特色飲料都有。餐廳坐位全部都係軟綿綿嘅沙發，坐得舒服😌，坐低就慢慢選食物，我哋點了幾款食物分享。煙三文魚沙律🥗 ，煙三文魚比一般三文魚卡路里低一些，沙律菜健康又好味，配合醋酸的醬汁，非常醒胃的前菜。牛肉稻庭烏冬，湯底濃度適中，牛肉質軟淋有咬口，配料份量恰當，有雞蛋🥚、魚蛋、紫菜同蔥，烏冬亦都很清嘟嘟。滑蛋黑毛豬扒飯，豬扒炸得很脆又香口，咬落油脂甘香，將滑蛋配合飯內一併食，好正啊。鳥棲和牛串🍢荔枝豚肉卷🍢燒得熟度剛剛好，調味得宜，咬落好香口，各有特色。