Plato Cafe & Bistro (彌敦道) (已結業)

疫情後好多朋友要見，選擇左呢間，地點方便而且食過都不錯的。有二人餐，不過睇唔岩，今次就點左兩個晚餐share。面包及餐湯面包是焗過既法包，有少少蒜蓉醬，香脆可口餐湯有鮮味，估計有薯仔，因為好有質感，雖不算好突出，但中規中矩軟殼蟹黑松露意大利粉呢個成隻軟殼蟹上，個意粉有香濃松露醬，有口感不會太淋，份量同味道都不錯德國脆皮鹹豬手最滿意呢個，大大份，起晒肉，皮脆肉厚，不用點汁都好夠味，兩個人食都夠朱古力心太軟伴雪糕最鍾意食甜品，心太軟熱辣辣，匙羹壓落去即既爆漿，焗到恰到好處，再配上雪糕，忌廉同朱古力醬，正呀。呢度係樓上既餐廳，平日真係唔起眼，但唔會趕人走，同朋友食飯可以慢慢傾，職員有禮，座位間又唔會太迫，是聚會不錯的選擇。