深夜食堂 (已結業)

想食日本野，今晚揀咗黎呢度 - 深夜食堂。因為好肚餓嘅關係，兩個人點咗一個飯，一個烏冬，同一個小食。香味牛肉配黑松露鵝肝飯$148，好似石頭飯咁，鵝肝不肥膩，不過份量十足，好香好足料，影完相，女侍應好好人幫我地撈混，食完覺得有d飽肚。手打烏冬$45，配义燒，烏冬彈牙，價錢幾扺。汁燒金菇肥牛卷$38，肥牛包住爽口金菇，好好味，推介。巨鋒提子梳打$28，加$4加椰果，甜度適中，好飲解渴。坐得舒服，價錢合理，會再encore。