小王子甜品 (已結業)

同男朋友係附近食完油渣麵，仲未想返屋企，之後就搵下有咩地方可以hea，本來想去同一條街另一間甜品鋪，不過見到呢間小王小好似幾靚幾光猛，就試下你先一入到去，選擇有十分多，揀左成十分鐘都心大心細唔知食咩好，卒之就點左個有晒三樣野既拚盆啦，真係滿足晒三個願望。。。心太軟--失左手，朱古力醬已經係底到流晒出來，不過味道是可以的，都夠濃味又唔會太甜芒果流心布甸--一拮落去就有芒果汁必出來，有誠意之作。不過果醬應該似係現成買，而唔係自己打既朱古力木糠布甸--男朋友話最好食，因為佢唔食芒果，又唔鐘意食太“流“既野，呢個布甸就岩晒佢，朱古力味夠又唔會太creamy總括黎講，98有晒三樣野食，坐得又舒服，我覺得抵既！同埋選擇真係幾多同有d都幾特別，下次一定要再去試下窩夫，因為見到隔離檯個碟好似幾正咁