Parkview (新都會廣場) (已結業)

黎到葵芳新都會廣場食野，自然想揀間坐得舒服嘅西餐廳，Parkview係我其中一間心水之選，有卡位，座位闊落，樓底夠高，坐好耐都夠晒舒服。食物味道、環境實屬中上，我點了一個黑松露磨菇手搓粉及正宗美國牛肉漢堡伴薯條餐，價錢已包括餐湯、餐包及飲品，還可以用優惠價加小食。餐湯點了磨菇湯：磨菇味淡了一點，口感creamy。每次黎都必點黑松露磨菇手搓粉：黑松露香味濃郁，濃濃的醬汁包裹住每一條口感煙韌的手搓粉，非常好食，夠飽得黎又唔會好膩。正宗美國牛肉漢堡伴薯條：即叫即整，漢堡扒juicy，配上新鮮嘅蔬菜及煙肉，熱辣辣無得輸，連薯條也是外脆內軟。