鋿晶館

營業中

休息中

飲茶，我好耐冇去飲茶了，今日去佐朋上環鋿晶館飲吓茶，嘆點心。呢間酒樓都幾好坐啊，又有Windows seat ，一路嘆茶一路望街景，都幾舒服，冇咁侷促。點心都幾好食，價錢合理，最鍾意佢早茶時段有D點心有兩粒，適合兩個人撐枱腳，一人一粒，好似我哋得兩個人，可以食多幾樣嘢。飲茶梗係要食蝦餃、腸粉、叉燒包、蝦餃，晶瑩通透，鮮蝦夠爽脆。叉燒包，嘩，一撕開個叉燒包，D料爆出嚟，正！炸春卷……炸到脆卜卜，又大條，足料，一啲都唔馬虎，我最鍾意，必食。紅棗糕.…..好重紅棗味，煙煙韌韌夠彈牙，甜度啱啱好，做飯後甜品一流！