金不換泰國餐廳

營業中

休息中

在海港城看 Where's Wally 展覽，行了展覽館和海旁露天展區，已經一點半，決定食個晏再繼續。見呢間唔駛等位，就入去。個 menu 好多圖，看圖點餸。蛋網海鮮炒金邊粉外表好吸引，用蛋煎成一個網，好靚又好 grand咁，味道都唔錯。海鮮都係有魚有蝦有蟹柳有魷魚。金邊粉唔辣，個底以茄汁為主，唔算落好多香料，味道偏清淡，比較香港人口味多於似正宗泰菜。好大碟，兩個人食，好飽。海南雞﹝半隻﹞算肥美。無骨，雞肉嫩滑，調味也是偏向清淡。坐得舒服，加水有問我地要凍定熱，好貼心。今日唔算多客人，環境相對有點靜，談心都得。整體上滿意。食飽再行過。