影片
更多
2023-05-24
58 瀏覽
西灣河太安樓附近掃街就好多啦，如果想坐得舒服啲，建議去油站、麥當勞嗰度，一連有幾間，有啲裝修同坐得幾舒服既餐廳，我哋揀咗台灣嘢。🍠 紫薯蕃薯球 - $28小食叫咗麻糬波波，有兩款分別係紫薯波波同地瓜波波，有趣嘅係地瓜波波入邊係包住紫薯餡，紫薯波波係包地瓜餡嘅。炸得非常酥脆，又唔會太甜，一啖一粒，好快食晒。🍲 麻辣什錦牛肉鍋(小辣）+ 薯粉 - $118幸福鍋顧名思義就當然係食鍋物嘅。呢度一人一鍋，有四款，四款都包好多配料，我呢個係麻辣鍋，辣度可以自選，湯底夠濃。裏面肥牛都幾多，有大概10塊，質素唔差，肥瘦均勻。薯粉更加係預先準備咗，擺入爐入面，滾一滾就食得，口感煙韌。🍜 黑麻油雞翼麻辣拌麵 - $70台灣拌麵不嬲都非常之好味，呢度嘅麻辣拌麵，辣度非常惹味，麵質亦都好彈牙。雞翼有三隻，size都算大隻，醃得好入味，甜甜地又香麻油味。仲有貢丸湯送。🍵冷泡台南高山綠茶 - $8 跟餐🍹薄荷青檸荔枝乳酸梳打 - $12 跟餐呢度嘅飲品，種類都好多，跟餐價錢好抵飲。冷泡綠茶大大支，茶味好濃，綠茶啱晒消化。而乳酸梳打，非常清新，又唔會太甜，咁熱嘅天氣飲，解渴一流！🫘 紅豆意米芋泥三色芋圓 - $4
西灣河太安樓附近掃街就好多啦，如果想坐得舒服啲，建議去油站、麥當勞嗰度，一連有幾間，有啲裝修同坐得幾舒服既餐廳，我哋揀咗台灣嘢。
2 瀏覽
0 讚好
0 留言
🍠 紫薯蕃薯球 - $28
小食叫咗麻糬波波，有兩款分別係紫薯波波同地瓜波波，有趣嘅係地瓜波波入邊係包住紫薯餡，紫薯波波係包地瓜餡嘅。炸得非常酥脆，又唔會太甜，一啖一粒，好快食晒。
3 瀏覽
0 讚好
0 留言
2 瀏覽
0 讚好
0 留言
🍲 麻辣什錦牛肉鍋(小辣）+ 薯粉 - $118
幸福鍋顧名思義就當然係食鍋物嘅。呢度一人一鍋，有四款，四款都包好多配料，我呢個係麻辣鍋，辣度可以自選，湯底夠濃。裏面肥牛都幾多，有大概10塊，質素唔差，肥瘦均勻。薯粉更加係預先準備咗，擺入爐入面，滾一滾就食得，口感煙韌。
2 瀏覽
0 讚好
0 留言
🍜 黑麻油雞翼麻辣拌麵 - $70
台灣拌麵不嬲都非常之好味，呢度嘅麻辣拌麵，辣度非常惹味，麵質亦都好彈牙。雞翼有三隻，size都算大隻，醃得好入味，甜甜地又香麻油味。仲有貢丸湯送。
1 瀏覽
0 讚好
0 留言
🍵冷泡台南高山綠茶 - $8 跟餐
🍹薄荷青檸荔枝乳酸梳打 - $12 跟餐
呢度嘅飲品，種類都好多，跟餐價錢好抵飲。冷泡綠茶大大支，茶味好濃，綠茶啱晒消化。而乳酸梳打，非常清新，又唔會太甜，咁熱嘅天氣飲，解渴一流！
4 瀏覽
0 讚好
0 留言
🫘 紅豆意米芋泥三色芋圓 - $45
最後都可以叫返個甜品，三隻芋圓煙靭彈牙，仙草好清熱，如果再雪凍啲就好啦！
張貼
