秀 (已結業)

地點在近尖東既幸福中心, 通常係門口就已經聞到對面譚仔既湯底味, 所以都可能幾難留意到呢間門口特別細既韓國餐廳。平日有商務午餐, 不收加一。餐配海帶麵豉湯及前菜, 之前光顧前菜是兩人現在疫情下就分開了一人一份。今次食了11號的豬肉伴飯, 份量足蔬菜亦新鮮爽口。炎熱天時吃最好不過。另外推薦的是7號泡菜豬肉飯及9號的粉絲飯。粉絲飯如果不叫少飯是一定吃不完的!不推介既係16號海帶湯飯,因為個湯真係同送個湯一樣。味道正正常常, 係調較了合香港人既口味。呢度防疫措施好好, 門口有搓手液, 亦有紙袋供暫放口罩, 大枱有透明膠板間開。入座亦有一壺滾水俾你自行食具過一過水。食得放心安心的。