影片
更多
2011-09-06
175 瀏覽
今趟第二次幫襯啦, 上次係因為食晏時段, 大元村間間餐廳都人滿為患, 迫於無奈要試新嘢, 發覺呢度光猛乾淨, 座位闊落, 而且餐牌都幾特別.今日我點咗午市特平餐, $25的咖哩肉碎奄列飯,奄列內包咗咖哩肉碎, 用的是日式咖哩, 味道好mild的, 混入青瓜粒幾清爽,咖哩其實冇乜汁, 所以碟側又加多殼蕃茄汁, 但因為碟白飯幾乾幾硬, 迫住要多撈汁, but撈兩撈已經乾塘, 結果食剩三分一 oh well, 下次要叫少飯.老公點咗 (唔記$32定$33) 吞拿魚醬包+薯仔沙律個中東包用嘉頓的比得包, 半塊, 吞拿魚醬填得好豐滿, 伴碟的薯仔沙律加了醋, 酸酸地, 中和咗薯仔的飽滯感. 讚讚讚.餐廳冇話將枱枱凳凳擺到密密麻麻, 所以坐滿人都唔覺擠迫, 員工態度都唔錯.唯要要彈的是飲料, 咖啡過酸, 奶茶唔香唔滑, 搞到我地只敢叫阿華田, 唉
上次係因為食晏時段, 大元村間間餐廳都人滿為患, 迫於無奈要試新嘢,
發覺呢度光猛乾淨, 座位闊落, 而且餐牌都幾特別.
今日我點咗午市特平餐, $25的咖哩肉碎奄列飯,奄列內包咗咖哩肉碎, 用的是日式咖哩, 味道好mild的, 混入青瓜粒幾清爽,
咖哩其實冇乜汁, 所以碟側又加多殼蕃茄汁,
但因為碟白飯幾乾幾硬, 迫住要多撈汁, but撈兩撈已經乾塘, 結果食剩三分一
oh well, 下次要叫少飯.
老公點咗 (唔記$32定$33) 吞拿魚醬包+薯仔沙律個中東包用嘉頓的比得包, 半塊, 吞拿魚醬填得好豐滿,
伴碟的薯仔沙律加了醋, 酸酸地, 中和咗薯仔的飽滯感.
讚讚讚.
餐廳冇話將枱枱凳凳擺到密密麻麻,
所以坐滿人都唔覺擠迫,
員工態度都唔錯.
唯要要彈的是飲料, 咖啡過酸, 奶茶唔香唔滑,
搞到我地只敢叫阿華田, 唉
張貼
