新記雞粥 (筲箕灣道)

營業中

休息中

喺元朗四圍遊走，曾經仲幫襯過新記雞粥。由細細個到依家，新記雞粥呢個名，喺腦海中都消失咗，直到今日去筲箕灣買餸，見到一間茶餐廳，夠光猛又企理，加上疫情期間，坐得鬆動嘅餐廳真係好重要，再望吓個名，原來新記雞粥由元朗開到去筲箕灣喇。即叫即炸嘅鯪魚球，熱辣辣！大大粒夠晒彈牙，而且入面完全無細骨，啖啖肉。當然要加上蜆蚧汁，更加惹味。作為招牌嘅貴妃雞粥，粥完美索晒雞嘅精華，充滿雞嘅油香。而雞肉好滑，鹹香味十足，個人鍾意加上少少糊椒粉，更加好味。食粥又點少得腸粉呢，今日就叫咗個叉燒腸粉，腸粉好滑，而入面嘅叉燒好足料，唔錯。炒到乾身，夠鑊氣，而河粉仲keep到好滑，加上辣醬就更加滋味啦。除咗粥品同炒粉麵飯，呢到連小菜都有，我哋就叫咗魚香茄子煲，鹹香味十足，熱辣辣，份量又多，配白飯一流。