影片
更多
2020-11-01
7986 瀏覽
揀左個Tasting menu $788 咩都可以試下🤤🔸法國芬迪加蠔配醃青瓜及氈酒冰沙肉質屬於爽口，加上醃青瓜同冰沙，入口非常清新，一人一隻真係唔夠喉😣🔸西瓜羊奶芝士沙律配番茄及九層塔味道最出既係西瓜😂超級甜又多汁，羊奶芝士既份量相對矜貴，可能因為本身味道較濃郁，但都唔介意可以多小小嘅😆就如相中所見嘅兩三粒，質感好滑溜！值得一提嘅係佢用左Heritage Tomatoes 🍅 顏色多啲嘅蕃茄，皮薄鮮甜。🔸鱸魚配薯蓉及法式龍蝦湯待應上菜時話呢道菜係餐廳既招牌菜😏 老實講魚質唔鞋但未算好滑，食落淡口...不過，底下既龍蝦湯好濃郁又Creamy ，龍蝦尾爽口，救左呢道菜😛🔸安格斯牛柳配燉牛臉頰、千層焗薯及紅酒醬 😋第一啖試既係千層焗薯，有驚喜，外層脆口，入口唔會融化成一舊，層次感十足。牛柳煎得幾香，五成熟啱啱好。牛臉頰炆到好腍，好入味！🔸朱古力慕絲配榛子海綿蛋糕，紅苺及乳酪雪糕由於我地係一份Tasting menu再加其他食物share，餐廳好細心幫我哋切開一半。朱古力慕絲比較厚實濃郁，加埋乳酪味既雪糕平衡返甜膩感。*想飲酒嘅話加$288有Wine paring 姐係每道菜配杯酒，散叫me
🔸法國芬迪加蠔配醃青瓜及氈酒冰沙
肉質屬於爽口，加上醃青瓜同冰沙，入口非常清新，一人一隻真係唔夠喉😣
🔸西瓜羊奶芝士沙律配番茄及九層塔
味道最出既係西瓜😂超級甜又多汁，羊奶芝士既份量相對矜貴，可能因為本身味道較濃郁，但都唔介意可以多小小嘅😆就如相中所見嘅兩三粒，質感好滑溜！值得一提嘅係佢用左Heritage Tomatoes 🍅 顏色多啲嘅蕃茄，皮薄鮮甜。
🔸鱸魚配薯蓉及法式龍蝦湯
待應上菜時話呢道菜係餐廳既招牌菜😏 老實講魚質唔鞋但未算好滑，食落淡口...不過，底下既龍蝦湯好濃郁又Creamy ，龍蝦尾爽口，救左呢道菜😛
🔸安格斯牛柳配燉牛臉頰、千層焗薯及紅酒醬 😋
第一啖試既係千層焗薯，有驚喜，外層脆口，入口唔會融化成一舊，層次感十足。牛柳煎得幾香，五成熟啱啱好。牛臉頰炆到好腍，好入味！
🔸朱古力慕絲配榛子海綿蛋糕，紅苺及乳酪雪糕
由於我地係一份Tasting menu再加其他食物share，餐廳好細心幫我哋切開一半。朱古力慕絲比較厚實濃郁，加埋乳酪味既雪糕平衡返甜膩感。
*想飲酒嘅話加$288有Wine paring 姐係每道菜配杯酒，散叫menu每杯都百零蚊黎講，幾抵既😎
Tasting Menu之外我想分享埋其他散叫既食物同一啲細節。我哋就5:30入座，呢個時間唔錯，可以睇到日落直至食完飯天到黑晒，睇埋個靚靚夜景☺️ 咁啱今晚唔算多客，我地5:30坐到8:30😆店員全部都係外籍人士，記得要講英文啊😛
💯特別欣賞佢哋既服務，上完一道菜先到下一道菜，完全唔會令你有趕急嘅感覺，仲要每道菜都係即時整既👍🏻呢樣野好多餐廳都做唔到。
🔸牛肉他他配酸種麵包
必點菜式☺️店員即席係你面前撈唔同既配料同醬汁，好有儀式感。生牛肉好嫩滑，麵包烤過，未食已經聞到好香，配埋一齊食一流！🥖
🔸蟹肉帶子千層麵配鮮海膽及海膽醬
呢個係比較失望嘅前菜，食到好多一絲絲嘅蟹肉，不過就食唔出有帶子🤔總體嘅味道亦都比較淡口，千層麵就只有兩片，不過海膽都算鮮甜，而底下面嘅海膽汁亦好濃郁。
🍹Cocktails🍸
🔸Love in Paris🍹(Vodka, passion fruit, lemon, mint, prosecco)
最近睇完Emily in Paris，一見到呢個名諗都唔使諗叫番杯先😆 呢杯係最好飲嘅🍹面頭有新鮮既熱情果，我將佢畢晒落去，甜甜酸酸既感覺，三杯之中酒味比較重🍹
🔸Sherry Cobbler🍸 (Sherry,fresh grapefruit juice, St Germaine, fresh pineapple juice, honey water)
味道都幾甜下 酒味好淡 適合想飲下酒但又受唔到酒味嘅女仔 好易入口😏
🔸Rosy(Dry gin, Calvados, triple sec, lemon)🍸
Gin味重 微甜，整體普通無咩特別，個人黎講唔會encore呢杯😂
最後送上維港夜景🌃☺️香港夜晚真係好靚！行出餐廳露台就可以一覽無遺喇😎餐廳食物質素有水準，加埋每張枱都睇到維港靚景，呢個價錢十分合理，CP值唔錯，推薦😎
張貼
