慢煮工業 (已結業)

兩年前嚟過太子另一間慢煮工業，當時都係男朋友同我慶祝周年紀念，特登搵一間餐廳慶祝。所以呢間餐廳都對我地有特別意義。今次嚟到另一間分店，呢間餐廳大好多，總共有兩層。當日係平日夜晚八點都非常多人，差唔多滿座。我哋今次二人行，嗌咗三樣嘢。一個薄餅，一個意粉同一碟薯條。又係薯條啦😆我真係勁鍾意食薯條㗎！我見今次有蕃薯條，就忍唔住嗌！上菜嘅時候我「哇」一聲！好大碟啊😱最後仲要拎埋外賣盒帶走添。薄餅係要一上枱即刻食㗎！唔可以等㗎！我哋帶咗芝士食肉獸pizza，芝士要係熱辣辣嘅時候拉絲先好食㗎！冇諗過咁樣薄薄地嘅薄餅都咁好食，好香脆。鍾意黑松露嘅我哋，又點少得黑松露天使麵啦！唔錯唔錯，每一條意粉都掛有好香濃嘅黑松露汁，野菌有夠多，好足料。呢間分店嘅擺設好有特色架！好年輕，新潮嘅感覺。