GOCHISO (已結業)

因為其他餐廳訂唔枱，我地一行4人周圍搵食行去k11，見呢間餐廳唔洗等就即管一試，結果食物真係好普通無乜驚喜，但星期五晚可以由7點坐到10點都無勁收野要趕我地走，咁呢度的確係一個好坐又方便的餐廳。 沙律上d蟹肉都幾多，菜好新鮮夠爽脆，最鐘意佢隻糖心蛋，不過沙律醬唔係好夠，味道一般，但朋友當減肥沙律就大讚正合佢口味。 前菜呢個Pama ham但可以塊ham唔夠咸香而舊蜜瓜亦唔夠甜 帶子一上碟已經出水，賣相完全唔合格，食落味道帶點蒜味，口感咬落去都有咬口，鮮味補救反佢個賣相，都尚可接受啦 鮮蝦蝴蝶粉，乾爭爭，個粉完全唔夠汁，無乜味，好淡，部分蝦仲未清理乾淨，成條黑邊出曬黎好彩Pizza都唔差，新鮮焗超熱，外邊脆夠亦都夠多芝士，菠蘿配埋蕃茄味好野味牛油果三文魚pizza都不錯，好多牛油果同埋好多芝士，好香好脆，咬落pizza底脆牛油果就淋，好味，只可惜三文魚一片得一塊，小得可憐 甜品都係個塊pizza底，出面熱但香蕉配埋雪糕上面又凍，雙重口感，冰火感覺好正，好味推介。