影片
更多
2014-06-02
1561 瀏覽
今日約左寶貝喺呢頭見面~西環算係一個我的人生中只踏足過三次的地方~!可算真係人生路不熟…巴士行著行著~已經自覺金睛火眼,最後都係坐過龍,落錯車…下車後呆在街頭,幸好時間尚早,可以先搵個地方醫醫肚,望過對面馬路~看到紅色搶眼的招牌~日式拉麵店~嘩~正~一於試新野~!入到去一個人都冇~以為佢地開,一個好友善的男人(可能係老闆)大聲 $%^&* 打左個招呼~(我唔識聽~好可能係日文~!哈~)可能佢見我呆呆地,所以用返D唔係咁正宗的中文同我打多次招呼~~哈~有趣!坐落我繼續東張西望, 好友善的老闆就端上熱茶同一張點麵紙款式唔算多~ 各種拉麵同餃子~少少飲品初到貴境~我當然要試下佢的招牌菜~點完菜冇几耐~諗住打打機~突然老闆過來向我說:不好意思~我睇睇佢,原來呢到食係點單比錢再食野…HA~當然要比現款LA!(SUPER)辛辣豬骨湯拉麵 – 上枱時感覺出奇地細碗,這個份量這個價錢令我有點意外! 好濃味的豬骨湯~令人好想一飲再飲~入口仲有少少漿住咀的感覺, 拉麵可以揀軟硬,,我揀左適中,入口條條都好有質感,唔會覺得太軟淋栖,有好重的麥味..豬肉片質地好得意,唔似叉燒又唔以豬軟骨,漿汁味好重~入口有一
可算真係人生路不熟…巴士行著行著~已經自覺金睛火眼,最後都係坐過龍,落錯車…
下車後呆在街頭,幸好時間尚早,可以先搵個地方醫醫肚,
望過對面馬路~看到紅色搶眼的招牌~日式拉麵店~嘩~正~一於試新野~!
入到去一個人都冇~以為佢地開,一個好友善的男人(可能係老闆)大聲 $%^&* 打左個招呼~(我唔識聽~好可能係日文~!哈~)可能佢見我呆呆地,所以用返D唔係咁正宗的中文同我打多次招呼~~哈~有趣!
坐落我繼續東張西望, 好友善的老闆就端上熱茶同一張點麵紙
款式唔算多~ 各種拉麵同餃子~少少飲品
初到貴境~我當然要試下佢的招牌菜~
點完菜冇几耐~諗住打打機~突然老闆過來向我說:不好意思~
我睇睇佢,原來呢到食係點單比錢再食野…HA~當然要比現款LA!
(SUPER)辛辣豬骨湯拉麵 – 上枱時感覺出奇地細碗,這個份量這個價錢令我有點意外! 好濃味的豬骨湯~令人好想一飲再飲~入口仲有少少漿住咀的感覺, 拉麵可以揀軟硬,,我揀左適中,入口條條都好有質感,唔會覺得太軟淋栖,有好重的麥味..豬肉片質地好得意,唔似叉燒又唔以豬軟骨,漿汁味好重~入口有一層層慢慢融的感覺~唔錯~溏心蛋都好得意~相信係用漿汁浸過,入左色而且漿汁味好重! 所謂加左(SUPER)辛辣的湯, 入口一D都唔辣,睇真D原來只係加左少少辣漿,對我黎講真係太少了~所以我問左服務員姐姐拿七味粉~服務員姐姐唔知係咪日本人黎呢~d舉止好溫文而且講中文唔係咁正宗~!重點係佢好似唔明我想講要七味粉~所以拎左盤紅姜,高菜及芝麻比我..我問佢係咪可以任拎,佢就話係…之後就望住我夾…我想夾多少少,但又覺得唔好意思~所以係咁咦夾左D就話OK,佢就拎返走..今次試左個好正宗的豬骨湯底~最後差唔多連湯都比我飲晒~!
餃子 – 老闆話係自家制,所以支持一下~相信真係喺入面慢慢煎,因為差唔多食完碗麵先黎~上枱的時候仲有片薄片喺面~咪話唔得意~!餃子份量唔係好大~一個人食啱啱好~而且饀料好香口,菜同肉都有佢的香味~!沾少少芥末同漿汁一齊食,唔錯~!
總算見識過佢地的出品...~~如果有機會可能都會再食~
題外話/補充資料：
餐廳的洗手間設施~但建議米之連人唔好考慮…可以的話就忍耐一下~去找一個有空間感的啦~~
(以上食評乃用戶個人意見 , 並不代表OpenRice之觀點。)
張貼
