酷廚 (已結業)

同朋友今晚去咗D2 Plaza 一樓嘅一間西餐廳，我同朋友2人被安排咗坐喺近門口嘅一張六人枱。可能係長枱既関係，比平常坐開較闊，坐遠左，傾計時大聲少少音量。今晚唔算多人，又或者可能無訂位，所以被安排同兩個陌生人一齊坐。雖然環境算乾淨但感覺怪怪地。同埋佢張櫈太硬，有d唔舒服。至於食物方面……我哋係叫咗兩個套餐; 一個就係 龍蝦汁大蝦意粉，另一個就係鵝肝意大利飯。 跟住係有餐湯同埋餐飲送。龍蝦汁意大利粉; 好好食呀！隻蝦入哂味，超新鮮。意大利粉配芝士，好香，好彈牙。至於鵝肝意大利飯都係做得非常之好，鵝肝煎香咗、 同過意大利飯係好配合。 唔會 太肥膩，接受。 餐湯係粟米忌廉湯，罐頭湯feel, 無驚喜。跟住我哋另外再叫咗份三文魚凱撒沙律， 沙律菜新鮮算做得唔錯，三文魚算多。