影片
更多
2024-08-27
146 瀏覽
幫襯咗呢間嘢接近半年，全區兩餸飯基本上冇乜選擇，差唔多日日幫襯呢間或者去一田買飯。呢間嘢整體嚟講冇乜大問題，唯獨係有潛規則呢下有啲離譜，希望老細見到可以正視下。$45份一個兩餸淨餸，個膠盒一邊大一邊細冇問題。但你間嘢唔同餸有唔同份量限制嘅潛規則而員工/鋪面都冇提及就有問題。好似今日去揀咗鱔同西檸雞，你個員工隨便將鱔嗰餸放咗去大邊嗰邊然後淨係放咗一半。我問「仲有一半空咗喎」個員工然後仲理直氣壯話「公司規矩係咁，最多6舊」。喂，你係最多6舊點解唔一早講？人哋個個兩餸都係填滿，你個員工就一半空咗想俾盒嘢我。仲大條道理搬「公司規矩」出嚟。其實我真係唔明，點解個員工唔將鱔放返係細格然後咁大格俾返西檸雞我囉。點解要呃份量？呢個係咪都係「公司規矩」？
呢間嘢整體嚟講冇乜大問題，唯獨係有潛規則呢下有啲離譜，希望老細見到可以正視下。
$45份一個兩餸淨餸，個膠盒一邊大一邊細冇問題。但你間嘢唔同餸有唔同份量限制嘅潛規則而員工/鋪面都冇提及就有問題。
好似今日去揀咗鱔同西檸雞，你個員工隨便將鱔嗰餸放咗去大邊嗰邊然後淨係放咗一半。我問「仲有一半空咗喎」個員工然後仲理直氣壯話「公司規矩係咁，最多6舊」。
喂，你係最多6舊點解唔一早講？人哋個個兩餸都係填滿，你個員工就一半空咗想俾盒嘢我。仲大條道理搬「公司規矩」出嚟。
其實我真係唔明，點解個員工唔將鱔放返係細格然後咁大格俾返西檸雞我囉。
點解要呃份量？呢個係咪都係「公司規矩」？
張貼