Mee...lemongrass (已結業)

坑口東港城最近都變咗好多，又開咗一田，又有好多新食店，咁就緊係要率先去試一試啦，e間主打馬來西亞菜嘅店就比我地無意中發現咗。位置係東港城二樓舖頭嘅後面，位置唔顯眼，真係要捐窿捐啦，但舖面裝潢唔錯幾靚，都坐得舒服。首先，食物選擇好多，基本上關於星馬嘅食物你都會揾到，咁雷霆同朋友就叫咗喇沙。喇沙好有驚喜，因為個湯底好濃郁，但會有小小辣，接下嚟就係個面底，又有米粉又有面，起初我仲以為係佢擺錯，點知友人話原來係馬拉特色，覺得真係好得意，啱曬我e d咩都想試嘅人。接落嚟要隆重介紹e個龍蝦喇沙，好壯觀，蝦入面仲有籽，好好味，成隻龍蝦送面都係第一次。