Little Creatures (已結業)

星期六下午去咗堅尼地城海旁附近食brunch，來到吃澳洲菜的Little creatures ，已經見到好多啤酒桶，好壯觀。餐廳好大，人客都好多。係一個傾計好地方，好寫意。我地叫左Beer paddle $140，有6 shots 嘅特製手工啤酒，店員好細心每款啤酒都會解釋有咩成份，仲有張卡仔圖文並茂。手工啤酒酒精成份不算高，味道有果味、麥味，甜甜的容易入口，我最愛有百香果味那一款。Frites $75，薯條都有啲燶，炸得不算很好，不過黑松露同茄汁好好味。Mushroom pizza $125，pizza 面有超多菇，菇充滿汁，入口好juicy，加上松露醬，好配菇同火箭菜，pizza 好脆，加上烘過的芝士，特別香口。Steak & eggs $170，牛扒可以揀幾多成熟，我哋揀咗medium，啱啱好唔會太韌仲有肉汁，好吃。仲有兩隻太陽蛋，蕃茄仔及薯仔。放假吃好料，心情特別好。Toffee pudding $85，最後叫左個甜品，蕉切成一粒粒之後用火槍燒過表面，有脆卜卜的焦糖，香蕉蛋糕就甜左少少，仲有個朱古力雪糕。甜品作結，好滿足。