影片
更多
2022-12-03
26 瀏覽
是日最後一日學車，聽日就打大佬啦🥲先生話受靶前帶我食餐好既安心上啦🥲係沙田兜兜下上網搵搵下，比我搵到間食牛牛小店，出面仲有位泊車🥳perfect池呀！其實泊好車向村入面望去就望到，位置完全唔難搵，行埋去仲發現好多有心思既畫圖見到menu菜式都五花八門，生蠔海膽牛扒多士意粉牛角包🥐都有，看來老闆都好多門手藝😳入門發現地方雖然唔大，但就有種家庭餐廳既感覺，加上老闆超nice，真係有種當自己屋企既感覺🤣我地就揀咗澳洲M9和牛牛肋條飯配溫泉蛋同埋彼得包配薯條，加多個雞尾串燒，今日未飲咖啡既我就叫咗杯cappuccino同先生既oreo奶茶牛肋條飯一上嚟非常之香😳係香到真係呑咗啖口水，份量好多，啦啦聲拮爆埋粒溫泉蛋就開動啦🤣呀🥹🥹🥹塊牛肋條真係好好食，唔同出面燜煮既做法，口感唔爛之餘仲好有咬口同牛味，老老實實真係唔覺係食緊牛肋肉，偏向似牛小排既質感，好食到忍唔住問下老闆點整老闆話因為用澳洲和牛，油分比較多，所以唔洗燜都可以有呢種質感，加上切牛時順逆紋切法都有影響，咁唔怪之得我係屋企燜三四個鐘都唔好食啦😫首先真係要靚食材彼得包上菜時我有啲擔心，擔心既啲餡滿瀉跌出嚟，塞太滿了吧！！！🙈白色醬係酸忌廉
其實泊好車向村入面望去就望到，位置完全唔難搵，行埋去仲發現好多有心思既畫圖
見到menu菜式都五花八門，生蠔海膽牛扒多士意粉牛角包🥐都有，看來老闆都好多門手藝😳
入門發現地方雖然唔大，但就有種家庭餐廳既感覺，加上老闆超nice，真係有種當自己屋企既感覺🤣
我地就揀咗澳洲M9和牛牛肋條飯配溫泉蛋同埋彼得包配薯條，加多個雞尾串燒，今日未飲咖啡既我就叫咗杯cappuccino同先生既oreo奶茶
牛肋條飯一上嚟非常之香😳係香到真係呑咗啖口水，份量好多，啦啦聲拮爆埋粒溫泉蛋就開動啦🤣
呀🥹🥹🥹塊牛肋條真係好好食，唔同出面燜煮既做法，口感唔爛之餘仲好有咬口同牛味，老老實實真係唔覺係食緊牛肋肉，偏向似牛小排既質感，好食到忍唔住問下老闆點整
老闆話因為用澳洲和牛，油分比較多，所以唔洗燜都可以有呢種質感，加上切牛時順逆紋切法都有影響，咁唔怪之得我係屋企燜三四個鐘都唔好食啦😫首先真係要靚食材
彼得包上菜時我有啲擔心，擔心既啲餡滿瀉跌出嚟，塞太滿了吧！！！🙈
白色醬係酸忌廉，味道唔重，但都可以中和下牛肉既油膩感，仲有一大片我最鍾意既番茄🍅
個包咬落去好juicy，仲以為碎牛肉一定會好乾身，呢個包唔乾不突止仲好有牛油香味，唔怪之得我對面果個旋風式吸入咗半個😳
食得7788先發現仲有個串燒，雞尾其實就係雞屁股🙈雖然係油分重啲，但佢真係好好食🙈入口爆開果陣油香🥹真係好值得大家比次機會試下
本身以為飲品平平無奇，啜一啖發現原來層foam上面燒咗層焦糖，令我諗起以前𡃁妹仔係某大品牌雪糕店返工既時候，最鍾意搯球雪糕鋪層奶泡再灑糖燒脆佢變自製焦糖脆皮雪糕🙈回憶返曬嚟
先生杯奶茶好多orea碎碎，簡直就係一個甜品🤤
食食下發現counter旁邊有個凍肉既雪櫃，同老闆傾開先知本來係賣凍肉，隨住疫情緩和就來個轉營，看來老闆好知道香港人除咗鍾意出街食飯之外，仲係唔鍾意洗碗既🤣
同老闆既傾談仲睇得出佢對食材既研究同對美食既堅持🤟🏻呢種就係小店既熱情！！！下次再見😻
張貼
