坤記牛腩 (已結業)

放工個刻都已經做到無咩心機，完全唔想去諗食咩諗食咩係人生每人面對既大難題，既然今日唔想諗，就將依個重任比左男朋友，佢就介紹左去一間佢覺得牛腩好好食既餐廳-坤記牛腩！唔想晚餐食咁多，去食坤記食牛腩河！成個餐牌都係同牛牛相關既飯麵粉既組合，同男朋友擔心唔夠飽，兩個人叫左三碗野食！我自己叫左碗崩沙腩河粉，叫完唔洗5分鐘就送到！師博真係好快手咪睇個碗細細地，但河粉份量、牛腩都好足料！食左第一啖就已經出事，個湯底好香、好醇、好好味！牛腩炆到好入味好林，完全唔會咬到牙痛但又好有咬口，好正上面個碗係食之前，下面食碗係食完後！睇到張相都感受到碗野幾好食呀，好味到要飲曬所有湯！另外叫左個咖喱牛腩撈麵同男朋友share...但食完碗河後，我已經飽到食唔到喇只係試左舊牛腩！咖喱同牛腩真係世上絕配，牛腩完全被咖喱覆蓋，咖喱汁完全入曬個牛腩到。我終於明白點解男朋友之前食過一次後，對坤記諗諗不忘！好正，一定會要番去食！