坤記牛腩 (已結業)

九龍城坤記牛腩，無論食清湯牛腩湯麵或飯，都各有美味。金牌牛三寶伊麵（$55）（伊麵+$5）：牛肚入味，牛筋入口即化，牛腩肥瘦適中，咬落去，肉味濃！伊麵好索湯，吸收成碗精華！淨水餃拼韭菜餃（唔記得幾錢）：兩種餃都幾飽滿，非常多餡料，特別係水餃，皮薄餡多，好食。腩汁油菜（$20），比起蠔油油菜健康少少，而且菜心都幾翠嫩。蘿蔔牛筋腩飯（$58），清湯牛腩清甜得來，亦好好撈飯。加幾滴辣油吊吊味，牛腩味道更突出。