坤記腸粉

營業中

休息中

大圍嘅坤記腸粉開左黎屯門都有一段時間，位於新墟，就喺天橋底，終於一試。除左腸粉，仲有燒賣魚蛋、碗仔翅、炒麵等供應，仲有我最愛嘅雞翼尖，搵次試一試你。腸粉出名滑溜，10蚊6條，街坊價，連同魚蛋都係10蚊10粒，簡單快靚正醫肚。腸粉、魚蛋 $20腸粉6條，多豉油多醬，最好多芝麻。腸粉幼身，見到明顯一層層，又薄又滑，完全冇粉感，合益泰嗰種。醬汁較淡就真，麻醬唔夠香，甜醬冇乜味。魚蛋可以略過，便利店質素，雖然一蚊粒大大粒，不過完全冇味，唔彈牙，幸好幾爽。