華興飯店 (已結業)

第一次入到坪洲，完全冇諗過遇到呢啲咁嘅經歷，同朋友諗住入去行山，知道餐廳需要訂位，預先喺網上Search，搵到呢間地道餐廳，講到兩公婆好用心煮餸比客人食，所以一早預訂，揀咗室外座位，佢地提出幫我哋去街市買定海鮮加工，因為佢嗰度冇海鮮，所以要出去買，當日我地行完山準備6:30去餐廳，去到沒有人招呼，兼且沒有店員，所有枱櫈杯碟都要自己搵，問又冇人理，叫我哋自己喜歡坐邊就坐邊，到擺好枱櫈又話我哋坐喺人哋門口，當日仲有少少毛毛雨，因為室外冇得遮，所以唯有坐喺簷蓬下面，佢話小心樓上人哋掟野落嚟，我見佢只招呼自己啲親戚，其實我見佢全間鋪都係得兩台客，都冇乜人食，多數枱都係吉嘅，但係佢話有人book咗喎，唯有自己搵紙筆寫好想點咩餸，走入廚房問人，佢哋竟然冇幫我哋買海鮮及訂枱，態度仲好似唔係好想做生意咁，如果你唔想招呼客到你餐廳，唔好應承人幫人book位，我哋最後即刻走人，因為坪洲好多餐廳都已經一早訂枱，周圍問其他餐廳都冇位，搞到好狼狽，唯有搭船速速離開坪洲，如果開一間餐廳只係招呼親戚朋友唔需要擺上OpenRice，既然你咁唔想做生意，咁就唔會有其他客人去騷擾你間餐廳囉，店員態度極度令人反感！令到我之