Gochi (已結業)

今日黎到位於樂富既Gochi，餐廳地方好大，有兩層，坐得好闊落好舒服。就到聖誕，餐廳已經佈置得好有聖誕氣氛，今次我就叫左個Merry Christmas Set，依個set包前菜，主菜，甜品同飲品，都幾抵架。帶子牛油果他他沙律牛油果好滑，又有牛油果香。帶子亦都好鮮甜。和牛西冷配秘製紅酒汁和牛入口好香牛肉味，煮得岩岩好，配上紅酒汁真係好襯。軟殼蟹天婦羅手工意粉軟殼蟹好香脆，唔會炸到好油膩。意粉好彈牙，調味亦都調得岩岩好。龍蝦蜆肉西班牙鍋飯龍蝦同蜆肉都唔少，蝦肉彈牙有蝦味，個飯既味道就唔算太濃。聖誕軟心朱古力蛋糕朱古力味好特出，外脆內軟，賣相好有聖誕氣氛。招牌提拉米蘇咖啡味好濃，幾好味。白色聖誕🎄(朗姆酒、椰子、薄荷、乳酪）同聖誕木頭🪵（伏特加、朱古力、榛子、姜、忌廉）依兩杯cocktail既賣相好吸引，入口唔會覺得太過甜。整體黎講，今次既聖誕餐都好豐富，餐廳既食物設計得幾有特色。