影片
更多
2017-09-24
3458 瀏覽
食蒸海鮮同成班朋友黎就最正，今晚再次黎到蒸氣海鮮鍋既始祖。幾個月前朋友生日已經黎過一次，好食既野梗係要翻轉頭啦👏🏻～餐廳位於橫街小路，門口右邊玻璃貼滿密密麻麻名人合照，睇落好似名人飯堂甘，有架勢👨👩👧👦。一入門口眼見提供各式各樣海鮮可供選擇，全部都係海水缸養住，保持新鮮，信心保證👍🏻。首先食D小食先，叫左單骨雞翼、鳳爪、炸魚腐。炸魚腐尤其好食，香口食落略帶煙韌。開始前大大既蒸爐有兩層，最下面一層放粥底，上面一層放海鮮，蒸食材前會放左塊荷葉係蒸爐內，一來可以隔沙，二來令食材帶有荷葉香味，一舉兩得。😀🍴沙白蜆蜆每粒大小均勻，平時出街食蜆通常都要炒過先好味，但而家就甘清蒸已經好好食。肉嫩爽口、肉汁鮮甜，甚至相比煮蜆、炒蜆更鮮甜，值得一讚。🍴沙蜆沙蜆處理得非常乾淨，連丁點既沙都無，肉味濃，肉質更有咀嚼性。🦐蝦 食落同白灼蝦差唔多，但呢種蒸氣食法相比灼蝦更能保留蝦味。🦀白蟹幾年前係三門仔食過一次，估唔到隔左甘耐第二次食返。煮熟後個樣同花蟹差唔多，但味道一D都唔失禮。白蟹肉質軟滑幼嫩，食起來啖啖肉，味道甘香鮮甜。🐟白板平日係街市都算少見到既一種魚，白板魚熟後肉質較林似石斑，食落啖啖肉，可滿足
餐廳位於橫街小路，門口右邊玻璃貼滿密密麻麻名人合照，睇落好似名人飯堂甘，有架勢👨👩👧👦。
一入門口眼見提供各式各樣海鮮可供選擇，全部都係海水缸養住，保持新鮮，信心保證👍🏻。
首先食D小食先，叫左單骨雞翼、鳳爪、炸魚腐。炸魚腐尤其好食，香口食落略帶煙韌。
開始前大大既蒸爐有兩層，最下面一層放粥底，上面一層放海鮮，蒸食材前會放左塊荷葉係蒸爐內，一來可以隔沙，二來令食材帶有荷葉香味，一舉兩得。😀
🍴沙白蜆
蜆每粒大小均勻，平時出街食蜆通常都要炒過先好味，但而家就甘清蒸已經好好食。肉嫩爽口、肉汁鮮甜，甚至相比煮蜆、炒蜆更鮮甜，值得一讚。
🍴沙蜆
沙蜆處理得非常乾淨，連丁點既沙都無，肉味濃，肉質更有咀嚼性。
🦐蝦
食落同白灼蝦差唔多，但呢種蒸氣食法相比灼蝦更能保留蝦味。
🦀白蟹
幾年前係三門仔食過一次，估唔到隔左甘耐第二次食返。煮熟後個樣同花蟹差唔多，但味道一D都唔失禮。白蟹肉質軟滑幼嫩，食起來啖啖肉，味道甘香鮮甜。
白蟹
29 瀏覽
0 讚好
0 留言
🐟白板
平日係街市都算少見到既一種魚，白板魚熟後肉質較林似石斑，食落啖啖肉，可滿足魚肉迷。
🍴扇貝
帶子厚實彈牙，食落鮮味十足，而最重要係要飲埋個湯精華，鮮甜到不得之了！
扇貝
51 瀏覽
0 讚好
0 留言
🐂牛頸脊
事先醃好，蒸熟食起來肉質軟腍嫩滑，肉汁得以鎖住，牛味好濃郁，調味恰到好處。
🥒蔬菜類
食完一輪優質海鮮後，臘味飯已熟透食得了，但我開始有點飽所以只係食左少少。之後就到蔬菜為主既食物啦。
脆肉瓜、冬菇同樣都好新鮮，另外冬菇上有墨魚滑＋蟹子增加口感，墨魚滑亦夠哂彈牙。
🐔雞麵
麵既食法有好多種，蒸既都真係幾特別。麵條質感軟彈煙韌，而且吸收哂舖係上面既雞汁及雞油。重點係店家秘製既辣椒醬，加埋醬一齊食，提味又惹味。
簡既食既都係時令海鮮，最可惜既係今晚無我最愛既瀨尿蝦，不過整體都好新鮮，滿意。
飲品叫左洛神花、咸檸七各一壺，仲有天地一號。
🍹洛神花：酸中帶微甜，食完甘多野醒胃消滯一流。
🍹咸檸七：味道好清新、清甜，忍唔住飲多幾杯。
到最後壓軸登場，登登登登～吸收哂所有食材精華熬成既粥底✨，入口微滑，綿密既口感，將所有海鮮精華鎖哂係入面，原汁原味，鮮味十足，明明已經甘飽都忍唔住食左3碗。
海鮮粥
41 瀏覽
0 讚好
0 留言
食海鮮最重要就係新鮮、乾淨，呢度絕對做到，所以簡單反而已非常好食，而且服務員熱情招呼，滿足的一晚。
張貼
