影片
更多
2022-08-14
111 瀏覽
先唔講食物，就講態度，未食已經一肚氣😤一入去比左響正個台前面一張枱，我有小朋友，覺得好刺眼，request換另一張，點知一個捲毛大叔職員阻頭阻勢，又話呢張枱唔俾得果張枱唔俾得，大佬你係咪做生意㗎 ？後來有另一個酒樓阿姐俾咗入面廳果張。OK，坐低叫嘢食，叫左個蝦伊麵，點知啲蝦全部要剝，我媽剝完蝦，想攞濕紙巾，黑衫阿姐話轉頭先，點知轉左個頭又轉左個頭，都係冇咗件事，跟住我阿媽再問，個黑衫阿姐竟然話冇，頂…堂堂一大間酒樓話冇濕紙巾，咩事呀😑跟住叫咗個山竹牛肉，一個年過60嘅大嬸推過嚟，問落唔落喼汁，我話另上，佢竟然嫌三嫌四，又話你枱面咁多醬汁，跟住我同佢講：小朋友唔食得醬汁，另上有什麼問題？？我真係唔明，我枱面多醬汁同你另上有什麼關係？？我啲小朋友唔食得醬汁，另上都好正常啫🙄至於食物，一般啦，啲伊麵一pat pat，酸甜排骨又唔脆，燒腩仔又濃⋯總之呢啲咁嘅死人態度，啲食物就算幾好食都係假，疫情之下已經生意難做，你啲員工直頭係趕客，請咗啲咁嘅夥計真係多得佢哋唔少，富臨喎，所謂大集團都係不外如是，怪唔得拍晒烏蠅，星期六食飯時間入面都大把枱，對面酒樓就大排長龍，真係冇下次！！！食咗成$500，氣就
一入去比左響正個台前面一張枱，我有小朋友，覺得好刺眼，request換另一張，點知一個捲毛大叔職員阻頭阻勢，又話呢張枱唔俾得果張枱唔俾得，大佬你係咪做生意㗎 ？後來有另一個酒樓阿姐俾咗入面廳果張。
OK，坐低叫嘢食，叫左個蝦伊麵，點知啲蝦全部要剝，我媽剝完蝦，想攞濕紙巾，黑衫阿姐話轉頭先，點知轉左個頭又轉左個頭，都係冇咗件事，跟住我阿媽再問，個黑衫阿姐竟然話冇，頂…堂堂一大間酒樓話冇濕紙巾，咩事呀😑
跟住叫咗個山竹牛肉，一個年過60嘅大嬸推過嚟，問落唔落喼汁，我話另上，佢竟然嫌三嫌四，又話你枱面咁多醬汁，跟住我同佢講：小朋友唔食得醬汁，另上有什麼問題？？我真係唔明，我枱面多醬汁同你另上有什麼關係？？我啲小朋友唔食得醬汁，另上都好正常啫🙄
至於食物，一般啦，啲伊麵一pat pat，酸甜排骨又唔脆，燒腩仔又濃⋯總之呢啲咁嘅死人態度，啲食物就算幾好食都係假，疫情之下已經生意難做，你啲員工直頭係趕客，請咗啲咁嘅夥計真係多得佢哋唔少，富臨喎，所謂大集團都係不外如是，怪唔得拍晒烏蠅，星期六食飯時間入面都大把枱，對面酒樓就大排長龍，真係冇下次！！！
食咗成$500，氣就食到飽晒
張貼