星群地中海餐廳 (已結業)

因為對住個海先捒呢間垃圾餐廳，好後悔入去之前無上open rice睇食評！$188蚊嘅忌簾帶子意大利飯，凍不突止，仲要乾到炒白飯咁，完全！係完全無味！好細粒帶子仲要一開三！唔係因為好肚餓，一定唔食！個朋友要佢俾支辣椒仔加落飯度先食得入口！叫得做牛柳正常都會諗，點知大檸樂！切到刀都斷先切到兩舊出黎！痴住條肥膏完全切唔開，點食？真係勁想叫佢換過條囉！最後得條燒茄子食得下人，食得下唔係好食！食食下仲要有個人拎住支結他上台唱懷舊歌！嘈到計都傾唔到！！系黃金海岸500蚊可以食到一餐咁嘅垃圾，真係不生難忘囉！因為呢間垃圾餐廳，我先第一次上黎寫食評！我無影相係因為啲嘢差到影唔落手