抹茶館 (已結業)

本身住呢區，想試呢間嘢好耐，但成日見到好多人等，所以無機會食。最近見佢愈黎愈少人等，所以充滿期待咁決定今晚去試。去排，唔洗排好耐就有得食，但食完之後，一定唔會再返轉頭。叫左個夏日限定魚生飯跟兩隻天婦羅蝦，仲有滑蛋牛肉烏冬。個烏冬就普通到係吉野家貨色，但人地平好多囉。至於魚生飯，由個烏冬黎，到我太太食完都未到。期間同四、五位唔同嘅侍應追討，應左，就行左去，唔知佢地有冇追。到最後嬲嬲豬埋單，當時有兩個侍應吹緊水，我同佢兩個講，佢地同時應左我，咁我就等張單啦，又係一個等字！最後我走左cashier話埋單，個度位侍應先print張單出黎，咁即係話佢地由頭到尾都係得個應字，跟本應左個客就算。我未試過係OpenRice 寫review，但今晚嘅經歷，我就真係要寫。究竟班侍應係發緊夢呀，定當啲客係傻仔呢？佢咁做落去，我肯定佢生意只會愈黎愈差。