添好運點心專門店

營業中

休息中

一間餐廳一出名，開得越多質素每況越下添好運自出名以來，越開越多，又得到米芝蓮加持，誰想到越做越差，質素下降到連屋邨酒樓都不如。由於人多，等位是必然，由於受防疫限制，每張枱只分2人同4人，自自然然排左兩條隊出黎。結果，成間舖2人枱多過4人枱好多，想3-4人食添好運，人家是不歡迎你。排隊叫飛仲會按熟悉啲分先後，例如你張飛10號，會叫左12號入座先，理由話兩張枱併埋入先，但全場9成都係2人枱，是否生客、人多唔做你生意？財大氣粗有米芝蓮加持是否就可以咁做？都唔緊要，定係評審面前扮晒嘢就可以瞞天過海？點心質素就唔需要多講，比深水埗、油麻地質素更差，同普通酒樓根本零分別，是否值得用心機同時間幫襯，大家真係要諗清諗楚。