影片
更多
2018-11-27
868 瀏覽
用咗Openrice 咁多年一直都無寫過食評，而家先寫嘅原因好簡單，因為呢間餐廳簡直係垃圾中嘅垃圾。朋友同我都鍾意吃牛油果，之前係網上見到有雜誌推薦呢間餐廳就book 咗枱夜晚六點九去食。個晚我哋早咗三個字到達，全間餐廳入面得兩枱有人坐。我哋同女侍應A 表示book 咗枱，佢就示意我哋坐係中間個枱人嘅隔離。咁我哋見間餐廳仲有咁多位就問可唔可以坐遠啲，我哋想要多啲privacy。侍應A聽完就話要問下侍應B，然後同佢講話我哋唔想坐嗰到。侍應B聽到之後係我哋前面話 "唔想坐個到？邊個唔想坐個到？" 個下聽到我真係底都燥埋，跟住佢就話間餐廳之後會好 hectic，每個book 台嘅人已經安排好晒座位，所以唔調得。好啦，因為朋友一路都好期待食所以我都不便發作，咁就照叫咗一碟炸雞，一個所謂嘅牛油果漢堡包，Cheese Fundido 跟nachos 同一杯牛油果 smoothie。但佢除咗服務差，連啲嘢食都好麻麻。碟炸雞嘅肉好鞋，外皮一啲都唔脆，連麥記同肯德基都好食過佢。個牛油果漢堡包更加係不知所謂，淨係用兩舊牛油果夾住一片薄薄嘅番茄，菜，蘑菇同洋蔥，再額外加一個番茄蛋就收人咁多錢，仲要一啲都唔好
朋友同我都鍾意吃牛油果，之前係網上見到有雜誌推薦呢間餐廳就book 咗枱夜晚六點九去食。個晚我哋早咗三個字到達，全間餐廳入面得兩枱有人坐。我哋同女侍應A 表示book 咗枱，佢就示意我哋坐係中間個枱人嘅隔離。咁我哋見間餐廳仲有咁多位就問可唔可以坐遠啲，我哋想要多啲privacy。侍應A聽完就話要問下侍應B，然後同佢講話我哋唔想坐嗰到。侍應B聽到之後係我哋前面話 "唔想坐個到？邊個唔想坐個到？" 個下聽到我真係底都燥埋，跟住佢就話間餐廳之後會好 hectic，每個book 台嘅人已經安排好晒座位，所以唔調得。好啦，因為朋友一路都好期待食所以我都不便發作，咁就照叫咗一碟炸雞，一個所謂嘅牛油果漢堡包，Cheese Fundido 跟nachos 同一杯牛油果 smoothie。
但佢除咗服務差，連啲嘢食都好麻麻。碟炸雞嘅肉好鞋，外皮一啲都唔脆，連麥記同肯德基都好食過佢。個牛油果漢堡包更加係不知所謂，淨係用兩舊牛油果夾住一片薄薄嘅番茄，菜，蘑菇同洋蔥，再額外加一個番茄蛋就收人咁多錢，仲要一啲都唔好食。Nachos 係正常味道，因為實在好難想像 cheese 同 nacho 可以出錯，smoothie 亦 okay。嗰晚每人食咗差唔多三百，完全唔值。
最後就係所謂嘅 hectic 就係全間餐廳到八點半為止都係得六七成滿，唔知hectic 咗係邊。更激氣係之後有好多枱都係 walk-in，根本就無咁多人訂位，坐嘅位置亦比我哋好，到底訂枱嘅原意係乜？
呢間嘢，請我都唔會再去，永遠 blacklist。
張貼