BLT Burger (已結業)

剛剛食完一肚氣走出嚟。落單時很清楚指名要medium rare 同成個包切開一半。包到了，完全係過熟去到medium well程度，個包有分半。香港水平通常過熟係預咗，所以不奇怪地叫佢換。好了，包又來了，但完全冇分半，所以又叫佢分半。包第三次來了，今次真經典，只有上包同牛肉分半，下包冇切到，咁點食？所以又要佢拎入去再切。終於，要第四次才送上我想要的。到最後，埋單叫第一次有人應，但之後毫毛反應。要再叫，我同待應講我已第二次叫埋單，佢送我一句頭先唔係佢.....呢間極品目測起碼有6,7個待應非常足夠，但全部都係垃圾。我只分享經驗，食物冇問題，去唔去，自己決定，我就請都唔再去！