影片
更多
2023-12-16
326 瀏覽
垃圾級用餐體驗，想受氣就黎幫襯！由入座、落單後，足足係等左一個鐘都未有菜上！！！！星期五晚，book左4人食飯慶生。第一次落單暫時叫左五花腩、見有幾款，問有乜分別，佢唔答，問邊款厚、邊款薄，佢又唔答跟住就推薦左我哋叫左個特級金獎五花腩，話燒出黎香好多，然後另外叫左牛肋條、蔬菜拼盤、涼拌蔥絲、泡菜煎餅。熟食未上到其實明白，但燒肉係唔需要煮，唔明點解要等一個鐘？？中途催左3次，先至上韓式小菜比我地，但依然未有其他野食，鍵基於佢哋上菜太慢，我地就第2次加單落左個海鮮豆腐鍋。到第4次催佢，先話「快咖喇，黎緊」跟住泡菜煎餅上菜先，但一食落係凍…..連暖都唔係，但因為大家都好餓就繼續食之後d燒肉先至到，然後佢地店員就幫手燒，其實只係夾左塊肉落去，就走左。不過我地冇所謂，覺得自己燒仲好，牛肋條同埋嗰個咩金獎五花腩真係好普通，完全feel唔到佢話呢個五花腩燒出嚟好香到呢個時候其實已經差唔多兩個鐘，但個個涼拌蔥絲依然未到….咁又唯有再催！之後個湯黎左，見佢出哂煙，心諗一定好夠熱，然後就叫店員比4隻碗我地其實都搞笑，因為本身餐具係冇碗，得碟，如果唔叫可能真係碗都唔俾你用拎碗都催左2次，唔知係因為等得耐定其
垃圾級用餐體驗，想受氣就黎幫襯！
由入座、落單後，足足係等左一個鐘都未有菜上！！！！
星期五晚，book左4人食飯慶生。第一次落單暫時叫左五花腩、
見有幾款，問有乜分別，佢唔答，問邊款厚、邊款薄，佢又唔答
跟住就推薦左我哋叫左個特級金獎五花腩，話燒出黎香好多，然後另外叫左牛肋條、蔬菜拼盤、涼拌蔥絲、泡菜煎餅。
熟食未上到其實明白，但燒肉係唔需要煮，唔明點解要等一個鐘？？
中途催左3次，先至上韓式小菜比我地，但依然未有其他野食，鍵基於佢哋上菜太慢，我地就第2次加單落左個海鮮豆腐鍋。
到第4次催佢，先話「快咖喇，黎緊」
跟住泡菜煎餅上菜先，但一食落係凍…..連暖都唔係，但因為大家都好餓就繼續食
之後d燒肉先至到，然後佢地店員就幫手燒，其實只係夾左塊肉落去，就走左。
不過我地冇所謂，覺得自己燒仲好，
牛肋條同埋嗰個咩金獎五花腩真係好普通，完全feel唔到佢話呢個五花腩燒出嚟好香
到呢個時候其實已經差唔多兩個鐘，但個個涼拌蔥絲依然未到….咁又唯有再催！
之後個湯黎左，見佢出哂煙，心諗一定好夠熱，然後就叫店員比4隻碗我地
其實都搞笑，因為本身餐具係冇碗，得碟，
如果唔叫可能真係碗都唔俾你用
拎碗都催左2次，唔知係因為等得耐定其實個湯本身都唔算熱，分完之後，其實飲落係唔熱……..
食到呢到，其實都冇抱任何期望，但因為唔夠食
再追加左一份普通五花腩同埋蔬菜石鍋拌飯
今次又好快上到菜呀，唔知係咪開始走左好多客，普通五花腩比起佢推薦嗰款燒出黎係仲香囉。
個石鍋飯撈完係濕漉漉，冇飯焦，又係懷疑過石鍋本身都唔夠熱。
間野話收22:30，但個疑似老闆娘既韓國女人，21:45走埋黎我地張枱講一堆冇人聽的明既韓文，加幾句廣東話，示意我哋快啲走，
然後隔咗一陣佢又走黎，將本身係爐入面嘅燒到乾哂黑哂既菇同洋蔥同堆幾舊肉，好似炒飯係咁兜左幾野，然後佢準備想夾落我個碟，我話唔要，唔知佢呢個係乜嘢操作….留意返！d洋蔥同埋菇係濃哂黑哂，然後佢問我點解唔食菜
我真係好無言…..
其實d菇同洋蔥係個店員經過，然後幫我哋放落個爐，話好食wo）本身都冇諗住燒嚟食。
之後佢夾晒其他洋蔥同埋菇俾我啲朋友
然後就收走晒啲爐….
知佢趕收工，但嗰陣10點都未到
因為我哋訂咗蛋糕，係到慶生
之後就叫佢地上埋蛋糕la，未食完，嗰個韓國女人又走埋嚟，又講一大堆韓文，做晒手勢咁
叫我地走，話佢地收工la
呢個時候係22:20
聽到隔籬枱啲人都係咁俾人催快d走。
總括而言，真係垃圾級體驗，此生不再幫襯！！有人請你都唔好食記得！！！
張貼