韓樂 (TKO Gateway西翼)

營業中

休息中

真是不吐不快，我雖然未食過呢間餐廳嘅食物，但已經被佢地啲垃圾員工激到一肚火，事源今朝10:30嚟到食早餐，女友同門口員工話兩位，員工語帶不耐煩話:自己揾啦！咁我地咪自己揾囉，入到去坐左一張未執枱嘅枱，因為我地比較趕時間，11點走(其實食個港式早餐想半小時完成，我相信不過分)所以睇左一至兩分鐘就揀啱嗌人嚟寫嘢順便執枱，嗌足三分鐘，企喺度揮哂手都冇人理，執枱嘅執枱，門口嘅繼續喺門口，水吧就喺水吧吹水，最終見到個不停同客人落單嘅員工，我揮手示意，佢就叫我等等，嚟到極晦氣落單，在我枱面嘅嘢亦無執走，之後等左10分鐘，一啲嘢都冇嚟，我知道喺假期對一個唔夠員工，員工又hea做，樓面又會將一個餐一分鐘內分開飲品，麵包，通粉三次上嘅餐廳，等10分鐘係十分鐘係唔夠耐性，但我睇到其他早過我嚟嘅食客都未有得食嘅情況下，我唯有拂袖離開，本想同店員講聲趕時間取消單，但又冇人理，忙有忙，hea有hea吹水，谷鬼氣撇😡，過隔壁食粥，3分鐘嚟齊，更顯出呢間嘢更垃圾。其實今日我睇到呢間嘢食物賣相幾好，都想一試，不過唔係而家，一係改下制度，一係炒哂啲垃圾伙計，希望你們快改善，有機會我會嚟幫襯。