韓樂 (TKO Gateway西翼)

營業中

休息中

生日孤獨過，晚餐想食好少少但選擇好少，壽司郎又有排等，最後見momoku有位同特價扒餐就入左去。入到去無好似上次隔離同集團間RUD咁見你一個就一定要你坐門口面壁思過咁衰。叫左個98蚊西冷扒特價餐，做實驗咁加左個平時肯定唔會加既人參湯娃娃菜。先講食物，加果個娃娃菜都有兩棵左右，個湯飲完包唔口喝，我好肯定無味精，因為根本無味，你當佢係1：99既花旗參茶，應該溝完同佢個湯差不多味。呢個故事教訓大家唔好江門痕癢去加呢啲野。講番個扒，呢個價位質素算唔錯，但又又又又再一次印證左香港既都巿傳說：無3舊一位落樓既餐廳，無論你揀幾成熟，出到黎都係得8成熟或以上。既然係咁，就唔好比人揀好過啦。本來應該可以比好評，但最後都係臨尾香，因為：薯條係凍的！薯條是凍的！環境：以一般同類餐廳來講屬中上。服務：沒遇到不愉快事件會否再光顧：間中會，因為近。但那個娃娃菜不了。

打完風急急食過午餐就返工 食物 : 煙三文魚蟹籽蛋炒飯 $66 ~ 味道正正常常, 配料都唔會好少, 可以 辣八爪魚野菜炒年糕 $65 ~ 年糕煙煙韌韌有咬口, 有幾隻八爪魚, 味道都可以 飲品 : 叫咗凍咖啡及凍檸茶, 凍飲各加$3/杯, 味道合格 環境 : 茶餐廳格局, 地方都幾乾淨 服務 : 職員有禮貌 價錢 : HK$137

{焗焗下午茶 - $85}呢間對上一次食已經係3年前，好記得當時覺得勁難食，之後就一直都無幫襯了，不過坑口已經食到完全覺得無嘢好食，加上東港城幾間餐廳都轉手裝修緊，最後決定再一次挑戰下呢一間。其實今時今日一個焗意粉一個焗飯又有嘢飲只係85蚊真係算唔錯，用小小生鐵鑊裝住，焗到熱辣辣咁上碟加分，半溶芝士肉醬鮮茄扁意粉賣相唔靚仔，不過芝士特濃又多，食落都幾正。相對地焗豬扒珍珠飯，賣相好靚仔，不過D飯有D乾身，汁亦唔夠多，成個飯感覺好似焗乾咗咁就扣分。整體黎講都係正常級別，唔算好味但性價比ok，只能期待東港城其他餐廳開舖，到時就會多返D選擇!美味程度：😋😋😋環境指數：🎇🎇🎇番食機會：🦍🦍🦍📍 #韓樂 (TKO Gateway西翼) (將軍澳)將軍澳坑口常寧路2號TKO Gateway西翼地下W001-W002號舖

朋友今天突然就想吃点韩式的炸鸡、石锅拌饭一类，于是就来到了TKO二楼的韩乐。环境很韩，门口还有卖薯片和饮料的，坐下的时候已经17:53，阿姨让我们快点下单不然就要换晚市了，人真好～🌟拌饭+冻奶茶 42+3朋友有点失望，锅比较小，拌不开，也不够热不能形成锅巴🌟粉丝+炸鸡（+薯条 ）43（+10）菠菜粉丝很不错，薯条也香香脆脆的，炸鸡差点意思，比较冷还软乎上菜比较慢，以上价格无加一，具体不太确定。总的来说价格挺友好，味道中规中矩，菜单算是吸引的，下次想试试参鸡汤～

當唔知食咩好嘅時候，韓樂確實是個不錯嘅選擇，勝在選擇多，容易滿足大家嘅胃和肚是日晚餐～～蕃茄焗豬扒飯 $58溫泉蛋、牛肉、石頭鍋珍珠飯 $68加熱鮮冷壓檸檬茶 +$9份量多，味道中規中矩，價錢超親民

一間好港式既韓國餐廳, 就連味道都好似😂長期都有好多客人光顧, 餐廳食物款式多性價比高, 味道都唔錯👍🏼韓式芝麻燒汁焗雞扒飯 $55又係一道好熱既焗飯, 望落細細碟, 原來飯量都幾多。加上芝士同燒汁好多🫕同飯一齊食好惹味。雞扒既味道非常之港式, 唔乾又唔柴😝八爪魚石頭鍋飯 $68呢道菜係3道菜中最似韓國口味, 店內可以見到機乎每台都有叫。石鍋熱辣辣上, 倒入醬汁快速同食物攪拌🐙八爪魚軟淋淋唔係脆口, 撈飯味道同韓式都似。由於太熱食得好慢, 最後一啖石鍋都仲出緊煙💨魔鬼芝士焗腸 $38睇圖唔睇文字以為係芝士焗年糕, 一咬先知道味道唔同。用左好多濃濃既芝士去焗🫕難怪個名叫魔鬼芝士焗腸, 真係啖啖芝士🧀焗腸係香草味脆皮腸, 再加上芝士真係太膩。

韓式兼港式連鎖餐廳 “ 韓樂 MoMoKu "晚餐～鮮茄焗豬扒飯 $55滋味雪耳人蔘雞 $72韓式冷盤墨魚仔 加配價+$18柚子蜜糖雞翼 $32玫瑰柚子茶 $26餐廳食物款式多、大衆化，味道中規中矩，價錢相當親民，將軍澳街坊嘅聚腳好地方。

位於厚德商埸的Momoku餐廳，是一家非常適合大眾品嚐的美食之地。這家餐廳主打性價比高的特色，吸引了不少食客。有幸與女兒共度了一個美好的晚餐時光，我們對這個平民飯堂的品質印象深刻。Momoku的菜單經過精心挑選，提供了多款美味佳肴。我們點了黑武宜海蝦炒飯、咕嚕豬和芝士炸雞。炒飯中的黑武士海蝦肉質鮮美，與炒飯的口感相得益彰，讓人忍不住一口接一口。而咕嚕豬則是經典的中式料理，酸甜可口，豬肉炸得外酥內嫩，搭配獨特的醬汁，令人陶醉。至於芝士炸雞，濃郁的芝士與香脆的雞肉相融，風味十足，小朋友絕對喜愛。Momoku的亮點在於其性價比之高，讓人感受到平民飯堂的真誠。在這裡，您可以品嚐到各種美食，而又不必為昂貴的價格煩惱。這樣的體驗讓人感到賓至如歸，無論是與家人共聚一堂，還是與朋友歡聚時光，Momoku都是絕佳的選擇。餐廳的裝潢風格簡單大方，營造出一種舒適愜意的氛圍。用餐過程中，服務員態度親切，讓我們感受到家的溫暖。女兒對這次的晚餐體驗讚不絕口，我們都期待下一次再來Momoku品嚐其他美食。總結來說，Momoku餐廳憑藉著高性價比和美味佳肴，成為了厚德商埸的一顆耀眼明珠。無論您是希望享受美食，還是渴望

📍#將軍澳 #韓樂#羊羊在坑口#羊羊在新界成日都見到好多人排隊，今次下午茶一於去試下佢咩料😄聽個名都知係食韓國菜，不過似韓式茶記，有檸茶檸水飲🥤🐂溏心蛋牛肉飯 $42上到枱又幾精緻，材料都放得幾整齊，幾吸引😙牛肉都入味，真係韓式燒牛肉嘅味，偏甜多啲😝溏心蛋流啲蛋汁出嚟撈飯又幾正，好滿足🥰🐓韓式芝麻燒汁焗雞扒 $41一嚟到仲熱到出煙，都仲等一段時間先有，所以應該真係即叫即整🤔睇落好似細細地咁，但都飽肚，因為芝士好邪惡，好多仲拉哂絲🧀燒汁又惹味，雞扒有芝士蓋住焗唔乾，仲好滑😈🐙輕量八爪魚野菜炒年糕 $45其實都唔輕量，同平時午市差唔多🤣八爪魚份量唔算多，仲要冇咩味🫠不過勝在係完整細細粒，咬下幾過癮🤫年糕反而入味，仲有啲似上海炒年糕😂🍗柚子蜜糖雞翼(2隻) +$12睇落細細隻，但香味都好勁🤭應該係氣炸或者焗，面頭有啲焦糖咁🤩柚子味聞到，但食唔到😗人均價錢－～$50-70評分－回頭草指數（🍀🍀🍀🍀🍀滿分）食物：🍀🍀🍀環境：🍀🍀🍀服務：🍀🍀🍀#hkfoodie #吃喝玩樂 #原相直出 #坑口美食 #將軍澳美食 #新界美食 #韓國菜 #茶記 #香港茶餐廳 #韓式炸雞 #美食推介 #朋友聚餐 #情侶

點解我感覺又好似係意樂(大x樂)D friend，menu同裝修都好似下午茶至六點，黑松露牛角包＄38，有D可惜唔脆，冇黑松露味牛肉飯好食，細細碗小朋友食剛剛好，雞脾脆＄43，配薯條。西多士＄35厚到傻，好大個口先放得入，入面D 芝士仲識拉絲，糖漿俾得孤寒左D. Dinner安格斯＄108， 飲品要+＄9呢。D瓜煎得唔錯，七成熟剛剛好。薯條係氣炸嗎？Cp值高，加上service 好好，唔怪得好多熟客幫襯啦。

今晚一個人食，都係一餐享受嘅晚餐😊1️⃣🐠🦐銀魚仔大蝦卡邦尼意粉🍝銀魚仔夠脆口，個汁都夠野味，辣得好香口，愛唔愛吃辣之人都入到口😍超好食😋😋😋1️⃣0️⃣0️⃣分👍🏻對得住💲70呢個價錢有餘😊2️⃣🍋🥤加左個凍柚子檸檬可樂好清新👍🏻配微辣意粉，好夾😋😋😋環境係工業風和諧設計👍🏻坐得好舒服，視覺都享受🏞整體來講，係值得推介既一餐👍🏻👍🏻👍🏻😊

🥢辣雞肉拌飯辣炒雞軟嫩又入味涼拌海帶、泡菜、涼拌黃豆芽⋯調味帶點酸味 清爽解膩因為辣炒雞本身有調味過建議可以跟老闆說辣醬少一點才不會太辣太鹹～🥢蔬菜拌飯 是沒有肉肉版本的韓式拌飯～整體較為單調但如果想吃蔬食卻不知道要吃什麼還是很推薦的👍🏻摳摳週三素食日也會吃這個😁不同於一般素食調味配菜也較為清爽#總結算是位於古亭巷弄內的小吃美食是附近上班族蠻愛的一間店以份量跟美味度來說算是CP值滿高建議中午用餐時間可以先打電話去訂才不會等太久喔！

加錢哎咗杯柚子梳打,點知嚟杯凍檸水,同職員講咗,佢真係返其加番啲柚子落去, 而家變咗凍檸水加柚子,難飲到呢。。。。咁梳打去咗邊??正常唔係會沖過一杯咩??點會攞入水吧求其倒啲嘢入去就算??

我今日經openrice喺餐廳外賣自取落單，我2點落單，話10分鐘可取，但我2點半去到個餐廳職員話個餐過了兩點沒有了，告訴我堅持要等就即刻入廚房叫師傅做，我問職員（shirley)要再等多久，她竟然不停同我講單一早入咗，但廚房問題佢咩都唔知。我聽到當然好嬲，一個咁嘅員工唔幫我跟仲要叫我等吓先，我跟她說我不要，會聯絡網站平台，跟住就有個部長叫出嚟話有喇有喇，但個外賣入面杯朱古力奶包裝時個蓋蓋不好，倒瀉了3分1杯。重點係呢兩位員工只會推卸責任俾廚房，咁你們沒有責任去幫客人跟進外賣等候時間嗎？外賣30分鐘以上未出都應有責任去廚房跟進啦…

第一次吃韓樂，d野食好有韓國風味，特別係個碟炸雞，吃得吃新鮮炸同埋好脆好入味😋👍同埋好抵＄36🥰真係像係韓國街邊吃到既個個味道喔吃個餐＋＄8有杯大大杯既特飲，芒果蘆薈雪碧好爽，呢個可以試試噢😋