點子 (已結業)

因為網上面有blogger介紹呢間野同埋最近興食pancake，就約左朋友試下點子。未入門口都覺得怪怪地，門面無餐牌又無標記係食啲乜同大約幾錢，但我一心黎到就當然無理入去坐啦。嗌野要行岀去嗌，坐係度嗌佢佢係唔會過黎，佢只會離遠聽，聽又聽漏，又要重覆同佢clarify幾次我想嗌乜。乜事啊！三個人叫左一個招牌pancake，兩個蕎麥面同一個薯條小食同三杯飲品。（唔好意思唔記得影飲品）蕎麥面同薯條算中上，都算好味。個pancake等左好耐，我明佢要焗，但問題係全間舖得我地一枱都等成over 30 mins就真係不得了，多人既話就真係不堪入目。個pancake終於黎，滿心期待諗住佢整禁耐同埋係今餐既主角，賣相又幾好，點知一食落去：哇麵包店啲蛋糕都好食過佢。。。佢似係第一次係屋企homemade計錯比例既例子，完全唔似一間pancake店應該要整到岀黎既質素。。三個人食，一人要夾$131，200%唔值。到收錢，真係九流態度同service，收銀貼住淨係話唔收一千蚊，但無話唔收毫子，但佢唔收我兩個五毫子。話大佬，第一：毫子係法定貨幣，唔收毫子係犯法，第二：佢無寫話唔收毫子！！！ 不過我地算數，俾個