仁利餅家

營業中

休息中

估唔到寫完上篇食評都仲未完，一次得人驚過一次，今日一切開盒四寶裡面嗰個雙黃白蓮蓉月，裡面竟然發現條毛髮，黐住啲蛋黃同蓮蓉，真係好嘔心！！！我地喺呢間嘢總共買咗八個月餅，標榜傳統炭爐烤焗嘅手工月餅，但根本就係掛羊頭賣狗肉，啲月餅根本好多個都唔合格！個個個樣岩岩蠶蠶，又偷工減料，啲皮都包唔晒啲餡，蛋黃唔夠油水，有啲又好淺色，個皮淋嘅，根本未焗透就出！最後連最基本嘅衛生都有問題！你地嘅月餅係賣得一啲都唔平，啲人真係為咗你標榜嘅傳統工藝，同埋真心想食到好質素嘅靚月餅而專誠入嚟買，我真係想問，你地賣啲咁垃圾嘅月餅俾人，你地個良心到底去咗邊？！！