影片
更多
2006-12-12
27 瀏覽
原先我晏晝係去6B Cafe，但見宣傳話呢間野甜品唔錯，之前黎視察過環境尚算舒適，於是特登留空個肚，抱住不妨一試既心態同朋友落一層樓去5/F Cafe食埋個Dinner。環境：我係去5/F既。格調普通，全鋪白色裝修，OK乾淨冇露台，設了度牆去分隔連接開放式廚房既餐檯部分。唔想受煙既我地梗係坐分隔左既入面（內部）檯。聽到有班友玩緊大富翁，都幾癲下，為寧靜平淡既環境扣左唔少分數。同時由於冇露台冇窗既關係，通風裝置係冇，即係空調搭救。所以煙味係會幾重。座位方面尚算舒適，右面係一大個廿人式Sofa，駁住四張檯到。我地坐雙人位，一人一個單人Sofa，算係岩岩好既size，唔會話太大難坐，座位高度亦OK，冇話腳長會"Long"腳情況。左面係超陰暗既內部位置，明顯係費事裝修之餘又想俾顧客得到各適其適既選擇。但事實上入面陰暗得黎好焗，我去果晚係成間鋪十幾人，果個部分都冇人坐。評分：2分（5分為滿分）服務：餐具提供：比茶餐廳更差. 兩個人黎全程只俾一人餐具。食肉類會冇刀供應，飲湯冇湯匙。更加唔好講係碟呀、碗呀咁啦。（如果話多人，忙得滯冇時間逐檯理我都唔介意，但好明顯唔係！)侍應：內部座位係冇侍應長駐既，
環境：
我係去5/F既。
格調普通，全鋪白色裝修，OK乾淨
冇露台，設了度牆去分隔連接開放式廚房既餐檯部分。
唔想受煙既我地梗係坐分隔左既入面（內部）檯。
聽到有班友玩緊大富翁，都幾癲下，為寧靜平淡既環境扣左唔少分數。
同時由於冇露台冇窗既關係，通風裝置係冇，即係空調搭救。所以煙味係會幾重。
座位方面尚算舒適，右面係一大個廿人式Sofa，駁住四張檯到。我地坐雙人位，一人一個單人Sofa，算係岩岩好既size，唔會話太大難坐，座位高度亦OK，冇話腳長會"Long"腳情況。
左面係超陰暗既內部位置，明顯係費事裝修之餘又想俾顧客得到各適其適既選擇。
但事實上入面陰暗得黎好焗，我去果晚係成間鋪十幾人，果個部分都冇人坐。
評分：2分（5分為滿分）
服務：
餐具提供：
比茶餐廳更差. 兩個人黎全程只俾一人餐具。
食肉類會冇刀供應，飲湯冇湯匙。
更加唔好講係碟呀、碗呀咁啦。
（如果話多人，忙得滯冇時間逐檯理我都唔介意，但好明顯唔係！)
侍應：
內部座位係冇侍應長駐既，要點菜除左行出去搵人之外就係靠侍應做主動。
(不過點完第一輪之後就冇晒呢個服務，
以我所見，侍應除左送菜之外我冇見過佢地入過黎服務客人）
惠顧當晚，係位肥少少既女侍應幫我地點菜，咁我都無講隱瞞啦，當晚佢既服務水準係好差。
我地點左一個Dinner Set，
我唔係好記得佢有冇寫跟意粉定飯啦，但侍應冇提過我，驟眼睇亦都搵唔到有關方面既資料。
（呢個如果係我睇漏眼，就唔關侍應事，如果唔係就真係要檢討下。)
跟住我點左個星座飲品，我講完個飲品名佢唔知係咩野黎。好，又俾你搵Menu直落單，我都唔介意。但話到俾我知係你做唔足功課。
跟住嗌甜品：
我先問佢蛋糕大小，佢話件件都係好細件架啦，唔會大得去邊。（不耐煩語氣）
問佢Chocolate mousse凍定熱，佢不勝其煩地說全間蛋糕都係凍的，冇熱既。（問下姐,客人唔熟你餐廳運作架）
最後揀左拿破崙，
問佢有咩生果揀(餐牌上果件拿破崙既相呢就有四大生果：奇異果、芒果、桃、士多啤梨）
，佢話唔知，問下先知，好，又當你功課做唔夠。
問完同我地講（節錄)：「Fixed死左，冇得揀，大約有士多啤梨果Ｄ啦。」
嗌完之後5分鐘唔夠，主菜都未到（我嗌完SET DIN先嗌），佢就急急腳成碟車埋黎，講聲係乜都懶，仲要好火咁。
睇左我地兩條友5分鐘都唔肯定呢個係乜黎既，初初以為係前菜，原來就係果個拿破崙！
生果：有4粒比提子乾大少少既芒果乾響面，乜都冇，仲差過聖安娜。
好心你，唔知就自己去睇下雪櫃啦，做少少野都懶！
邊有人主菜都未上上甜品架，你估酒樓，客多到Take Care唔到咩！
真係唔知佢失戀定有絕症，分明唔想撈咁款。
學劉華講句：「而家今時今日咁既服務態度，聽執笠啦！」
評分：1/4分（5分為滿分）
跟住講到Main Point，亦都係我去既理由。
食品質素：
點Set後，餐湯係羅宋湯。（以呢度既服務，當然我係黎到先知係冇得揀+ 咩野黎啦下）
羅宋湯
評語：好淡口，好多芫莤，入口有微苦澀，味道不比茶餐廳餐湯好。
不久，牛仔骨伴西蘭花上桌（今次有講菜名啦)，
不過黎到我先知係伴意粉。
牛仔骨伴西蘭花（隨燒汁)
評語：老實講一句 － 好難食。
何出此言？
牛仔骨：
有一舊，10cm長左右，5蚊硬幣厚薄，
食得飽人我切！咬落去好韌，冇刀，切唔到牛仔骨中間位，咬一啖就食完！
Cafe仔，我唔期望有咩入口即溶，齒頰留香既效果，
但味道真係好普通。
燒汁：
食落去似稀釋版麥記雞翼汁，，酸甜得黎唔香口，亦唔開胃。
西蘭花：
9成9搵火烚定，冇味我唔怪佢，佢懶醃/落鹽姐，
一咬落去好似食薯仔咁，唉。
烚兩舊細細既西蘭花都搞成咁叫人點再幫襯你呢？
意粉：
同西蘭花差唔多，好"林"，冇咬口，好淡口但略甜，茶餐廳感覺。
最後呢碟野我食左舊牛仔骨同鬆散既蔬菜纖維後即刻罷食抗議，對此我對欠發達國家既飢民致歉，我一定會捐錢俾你地去補償返我今次既罪孽。
甜品：
如上文提及，拿破崙係我地另點既甜品。（set din冇跟/冇得配，需要另點。）
拿破崙：
與相片嚴重不符. 相片係多層的酥皮面上夾雜著各種生果，鋪滿面層，黎到只有4粒芒果乾響面。
酥餅裡梅花間竹的夾著粟子茸，芒果粒，入到口，
粟子茸方面，
完全冇粟子香, 唔新鮮我唔介意,
但入口帶少少肉桂(?)及雪味, 口感同賣相都好似現成貨(一唧即食果種) , 令人冇乜想食既衝動。
酥皮層方面，
好軟身，冇乜咬口同香味，同粟子茸味道差唔多，仲有微酸，我同友人異口同聲嘆難食，相信無需多講。
（餐牌講明：「此餐廳供應的蛋糕是由高級廚師每日新鮮製造，並不可與市面的冷藏蛋糕相比。」, 真係恕我直言，信你就蛇都死。）
評分：1分（5分為滿分）
價錢（抵食度）：
是日俾左$122元，一個SET Din 一個甜品，僅此而已。
(好在我朋友冇嗌，如果唔係真係一地眼淚。）
評分：1/4分(5分為滿分）
原本我都諗住冇你地講得咁差，見呢排D評語都唔錯。
結果去完，見識到「地獄CAFE」既恐怖，表面光鮮，內裡猙獰。
以後請我都唔去，真係食又死唔食又死。
張貼